لاہور (خصوصی رپورٹ) پاکستان میں گاڑیوں‘ موبائل فونز‘ ڈیزل‘ چائے کی پتی‘ سگریٹ‘ پلاسٹک‘ سٹیل شیٹس‘ ٹیلی ویژن سیٹس اور گارمنٹس کی سمگلنگ 2 ارب 60 کروڑ ڈالر سے تجاوز کرگئی۔ کسٹمز سمیت دیگر ادارے سمگلنگ روکنے میں ناکام ہوگئے۔ جس کی وجہ سے قومی خزانے کو سالانہ اربوں روپے کا نقصان پہنچایا جارہا ہے۔ تفصیلات کے مطابق حکومت کی ناقص پالیسیوں اور قانون نافذ کرنے والے اداروں میں اعلیٰ عہدوں پر بیٹھے افسروں کی جنت بنتا جارہا ہے۔ رپورٹ کے مطابق جو کہ ایف آبی آر کے ایک اعلیٰ افسر کی طرف سے تیار یک گئی ہے۔ پاکستان میں ہر سال ایک ارب 10 کروڑ ڈالر کے موبائل فونز سمگل کئے جاتے ہیں۔ 87 کروڑ ڈالر کا ڈیزنل‘ 7 کروڑ ڈالر کی چائے‘ 2 کروڑ کے سگریٹس 90 لاکھ ڈالر کے ٹیلی ویژن سیٹس‘ 25 لاکھ ڈالر کے گارمنٹس‘ 11 کروڑ ڈالر کے ٹائرز‘ 18 کروڑ ڈالرز کے آٹو پارٹس اور 22 کروڑ ڈالر کا پلاسٹک سمگل ہوتا ہے۔ اس حوالے سے کسٹمز کے ترجمان کا کہنا ہے کہ اگرچہ سمگلنگ کی روک تھام سرحدوں پر تعینات ایجنسیوں کا کام ہے اور کسٹمز کی ذمہ داری ڈیوٹی وصول کرنا ہے اس کے باوجود کسٹمز انٹیلی جنس کی ٹیمیں سمگلنگ کی شکایات پر کارروائی کرتی ہیں۔
