اسلام آباد (ٹی وی رپورٹ) پاکستان نے ہمسایہ ملک ایران سے تعلقات پر منفی اثرات سے بچنے کیلئے سعودی اتحاد میں قائم ہونے والے فوجی اتحاد میں شمولیت کے معاملے پر ”ریڈلائنز“ کھینچنے کا فیصلہ کیا ہے۔ نجی ٹی وی کے مطابق اس معاملے پر نظرثانی کا فیصلہ ریاض میں ہونے والی حالیہ عرب اسلامک امریکا سربراہ کانفرنس میں سعودی حکام کے بیانات کے بعد کیا گیا جن میں کہا گیا تھا کہ اتحاد کا مقصد دہشت گردی کیخلاف جنگ کے ساتھ ساتھ ایران کو کاو¿نٹر کرنا بھی ہے۔ حکومت اصولی طور پر سعودی اتحاد کا حصہ بننے پر تیار ہے اگر اسکا واحد مقصد دہشت گردی اور شدت پسندی کیخلاف لڑنا ہو تاہم حکام کے مطابق حتمی فیصلہ اس وقت ہوگا۔ جب اتحاد کے ٹرمز آف ریفرنس (ٹی او آرز) تیار ہو جائیں گے۔ ادھر ترجمان دفتر خارجہ نفیس زکریا نے بھی کہاکہ پاکستان نے ابھی فوجی اتحاد میں شمولیت کا حتمی فیصلہ نہیں کیا۔
فیصلہ
