کراچی (خصوصی رپورٹ) رواں سال کا دوسرا چاند گرہن7اگست کو ہوگا جو پاکستان میں جزوی طور پر دیکھا جاسکے گا۔محکمہ موسمیات کے مطابق سال 2017 کے دوسرے چاند گرہن کا آغاز 7 اگست کی شب کو ہوگا جو کہ پاکستان میں جزوی طور پر دیکھا جاسکے گا، پاکستانی وقت کے مطابق چاند گرہن کا آغاز رات 8 بج کر 50 منٹ پر ہوگا۔محکمہ موسمیات کے مطابق چاند گرہن 11 بج کر 20 منٹ پر اپنے عروج پر ہوگا اور رات ایک بج کر 51 منٹ پر یہ ختم ہوجائےگا، یہ چاند گرہن پاکستان کے علاوہ مغربی ایشیا، آسٹریلیا، انٹارکٹیکا، افریقہ، یورپ میں دیکھا جاسکے گا۔محکمہ موسمیات نے بتایا کہ 7 اور 8 اگست کی شب ہونے والا چاند گرہن دنیا بھر میں پاکستانی وقت کے مطابق 8 بج کر 50 منٹ پر جبکہ پاکستان میں 11 بج کر 23 منٹ پر جزوی طور پر دیکھا جاسکے گا۔چاند گرہن 11 بج کر 20 منٹ پر اپنے عروج تک پہنچ جائے گا جبکہ پاکستان میں اس کا اختتام 8 اگست 12 بج کر 18 منٹ اور دنیا بھر میں رات ایک بج کر 51 منٹ پر ہوگا۔
