پنجگور(آن لائن)ایران نے ایک بار پھر پاکستانی حدود کی خلاف ورزی کر تے ہوئے مارٹر گولے داغ دیے،تاہم کوئی جانی نقصان نہیں ہوا۔میڈیا رپورٹس کے مطابق ایرانی بارڈر فورس نے پنجگور کی تحصیل پروم میںرات گئے تین مارٹر گولے داغے ہیں تاہم اس سے کوئی جانی یا مالی نقصان نہیں ہوا ۔ایران کی جانب سے داغے گئے مارٹر گولے پاکستانی حدود کے 8کلو میٹر اندر آکر گرے جس سے لوگوں میں شدید خوف پھیل گیا تاہم مارٹر گولوں سے کسی جانی نقصان کی اطلاع موصول نہیں ہوئی ۔
