اسلام آباد (ویب ڈیسک) سپریم کورٹ میں پی ٹی آئی چئیرمین عمران خان کے خلاف نا اہلی کیس کی سماعت ہوئی۔ سماعت میں وکیل اکرم شیخ نے کہا کہ عمران خان نے متفرق درخواستوں کے جواب نہیں دئے۔ انہوں نے کہا کہ عمران خان نے اسمبلی تقاریر سمیت متعدد درخواستوں کا جواب بھی نہیں دیا۔جس پر چیف جسٹس نے کہا کہ عدالت نے کہا تھا کہ عمران خان جب جواب دینا چاہیں وہ دے سکتے ہیں۔کچھ خلا موجود ہے جنہیں پ±ر کرنا ضروری ہے۔ چیف جسٹس نے کہا کہ ہم نہیں چاہتے کہ کسی خلا کی وجہ سے سماعت میں رکاوٹ پڑے۔الیکشن کمیشن کے جواب پر جواب الجواب میں تاخیر پر بھی چیف جسٹس نے برہمی کا اظہار کیا جس پر پی ٹی آئی کے وکیل نے کہا کہ ہم تاخیر پر معذرت خواہ ہیں۔ وکیل پی ٹی آئی کے جواب میں چیف جسٹس نے کہا کہ صرف معذرت سے کچھ نہیں ہوتا۔ چیف جسٹس نے ریمارکس دئے عمران خان آ کر بتائیں کہ کیس کو کیسے چلانا ہے۔ جس کے بعد سپریم کورٹ نے پی ٹی آئی چئیرمین عمران خان کو کل طلب کر لیا۔
