اسلام آباد (مانیٹرنگ ڈیسک ) سابق صدر پرویز مشرف نے پانامہ کیس کے فیصلے پر پوری قوم کو مبارکباد دیتے ہوئے کہا ہے کہ سپریم کورٹ کا فیصلہ اچھا ہے، ہم نے بھی مٹھائی کھائی ہے۔نجی ٹی وی سے گفتگو کرتے ہوئے پرویز مشرف نے کہا کہ قوم کیساتھ ساتھ جے آئی ٹی بھی مبارکباد کی مستحق ہے جبکہ لارجر بینچ کے فیصلے سے میرا اعتماد بڑھا ہے۔ ان کا کہنا تھا کہ ملک بحران کا شکار تھا حکومت نے توجہ نہ دی، گزشتہ ڈیڑھ سال حکومت کام نہیں کر رہی تھی اور اس کی پوری توجہ پانامہ لیکس پر تھی۔
