لندن (وجاہت علی خان سے) سابق وزیر اعظم نواز شریف سے پولینڈ میں بھارتی سفیر اجے بیساریہ نے لندن میں طویل ملاقات کی ہے۔ خبریں کو باوثوق ذرائع نے بتایا ہے کہ یہ ملاقات بھارت کے سفارتی ذرائع کی خواہش پر ہوئی ہے۔ اجے بیساریہ اکتوبر میں پاکستان میں انہیں بھارتی ہائی کمشنر نامزد کیا گیا وہ اگلے ماہ اسلام آباد میں بھارتی سفیر گوتم بمبانوالہ کی جگہ لیں گے۔ ذرائع کے مطابق گوکہ نواز شریف پاکستان کے وزیر اعظم ہیں اور نہ ہی اپنی پارٹی کے صدر لیکن بین الاقوامی سفارتی ذرائع آج بھی انہیں حکمران جماعت کا قائد سمجھتے ہیں۔ بتایا گیا ہے کہ ایم کیو ایم لندن کے کنوینر ندیم نصرت اور دیگر متحدہ رہنماﺅں نے گزشتہ ہفتے میاں نواز شریف سے ملاقات کی تھی۔ بعض ذرائع کے مطابق اجے بیساریہ بھی اس ملاقات میں موجود تھے لیکن اس اطلاع کی تصدیق نہیں ہو سکی کہ وہ متحدہ رہنماﺅں کی نواز شریف سے ملاقات میں موجود تھے۔ علاوہ ازیں اجے بیساریہ کے بارے میں ذرائع کا کہنا ہے کہ وہ سفارتکاری کا وسیع تجربہ رکھتے ہیں اور سابق بھارتی وزیر اعظم اٹل بہاری واجپائی کے پانچ سات تک پرائیویٹ سیکرٹری بھی رہے ہیں چنانچہ پاک بھارت حالیہ تعلقات اور چین کے ساتھ بھارت کی سرحدی صورتحال کے تناظر میں انہیں پاکستان اور گوتم بمبانوالہ کو چین کا سفیر بنایا جا رہا ہے۔
نواز شریف سے لندن میں پاکستان کیلئے نئے بھارتی ہائی کمشنر سے طویل ملاقات
