نواز ،شہباز میں اداروں بارے سخت پالیسی اختیار نہ کرنے پر اہم فیصلہ

لاہور(مانیٹرنگ ڈیسک) سابق وزیر اعظم میاں نواز شریف کی وزیراعلیٰ پنجاب شہباز شریف کی ملاقات ہوئی ہے جس میں موجودہ سیاسی صورت حال پر تبادلہ خیال کیا گیا۔ذرائع نے جیو نیوز کو بتایا کہ ایک گھنٹہ 45 منٹ جاری رہنے والی ملاقات میں پارٹی کی اندرونی صورت حال پر بھی بات کی گئی۔ذرائع کا کہنا تھا کہ دونوں رہنماو¿ں کے درمیان ملاقات میں پارٹی کے صدر سے متعلق بھی تبادلہ خیال گیا گیا۔ون ا?ن ون ملاقات میں اداروں کے خلاف جارحانہ پالیسی نہ اپنانے سے متعلق بھی بات چیت کی گئی۔ذرائع کا مزید کہنا تھا کہ دیگر امور پر بات چیت کے لیے دوبارہ ملاقات کی جائے گی۔ نواز شریف سے متعدد اہم لیگی رہنماو¿ں نے ملاقاتیں کیں۔سابق خاتون اول اور میاں نواز شریف کی اہلیہ بیگم کلثوم نواز ان دنوں لندن میں زیرعلاج ہیں۔ ذرائع نے دعویٰ کیا ہے کہ نواز شریف عنقریب اپنی اہلیہ کی تیمارداری کیلئے ایک بار پھر برطانیہ سدھار جائیں گے۔ نواز شریف رائے ونڈ سے برطانوی کونسل خانے پہنچے جہاں انہوں نے برطانوی ویزے کی توسیع کیلئے درخواست جمع کرائی۔اس موقع پر نوازشریف نے کہا کہ عدالتوں کا احترام کرتے ہیں اورسامنا بھی کرینگے، ان کا کہنا تھا کہ ہمیں عوام کی تائید حاصل ہے، اورعوام ہمارے ساتھ کھڑے ہیں، نوازشریف نے مزید کہا کہ وقت پر انتخابات کرائیں گے اورکسی بھی قربانی سے دریغ نہیں کرینگے۔ سابق وزیراعظم میاں نواز شریف نے پاکستان تحریک انصاف کی جانب سے قومی اسمبلی میںاپوزیشن لیڈر خورشید کو تبدیل کرنے کی تحریک ناکام بنانے کی ہدایات جاری کر دی ہیں معلوم ہوا ہے کہ سابق وزیراعظم نے یہ ہدایات گزشتہ روز ماڈل ٹاﺅن میں سپیکر قومی اسمبلی سردار ایازصادق سے ایک ملاقات میں جاری کرتے ہوئے پی ٹی آئی کی تحریک کو ناکام بنانے کا ٹاسک سونپ دیا ہے۔