لاہور (کرائم رپورٹر) ملتان میں ماڈل قندیل بلوچ قتل کیس میں گرفتار مفتی عبدالقوی کا پنجاب فرانزک سائنس ایجنسی میں 6گھنٹےتک پولی گرافک ٹیسٹ ہوا ۔ذرائع کا دعوی ہے کہ پولی گرافک ٹیسٹ کے دوران مفتی قوی کا بلڈ پریشر اور ہارٹ بیٹ میں اپ ڈاﺅن آئے جس سے ظاہر ہوتارہا کہ کئی سولات پر ملزم نے غلط بیانی سے کام لیتا رہا کے بعد ملزم کو ملتان پولیس واپس لے گئی ۔بتایا گیا ہے کہ ملتان میں ماڈل قندیل بلوچ کی تفتیش کے دوران مقتولہ کے بھائی اور موبائل ڈیٹا سے مفتی عبدالقوی کے حوالے سے کئی اہم انکشافات سامنے آئے جن سے مفتی قوی انکار کرتا رہا ۔ملتان پولیس کا کہنا ہے انہوں نے اس کیس کی میرٹ اور سائنسی بنیادوں پر تفتیش کرنے کے لئے مفتی عبدالقوی کا پولی گرافک ٹیسٹ کرانے کے لئے تفتیش کے ریکارڈ سے سوالات پر مبنی پیپرز تیار کر کے فرانزک سائنس ایجنسی کے حوالے کئے جن کی روشنی میں گزشتہ روز مفتی عبدالقوی کا ماہرین نے پولی گرافک ٹیسٹ کیا جس کی رپورٹ چند روز تک ملتان پولیس کو بھجوا دی جائیگی ۔
