کوئٹہ (این این آئی ) جمعیت علماءاسلام ف کے سربراہ ورکن قومی اسمبلی امور کشمیر کمیٹی کے چیئرمین مولانا فضل الرحمٰن نے کہاہے پاکستان میں جو حالات چل رہے ہیں انکے تناطر میں 2018کے الیکشن پر بھی تشویش ہے جمہوری اداروں اور پارلیمنٹ کو مستحکم کرنے کی ضرورت ہے اس وقت پارلیمنٹ اور سیاست دانوں کامزاق اڑایا جارہا ہے تصادم کی فضا کا ملک ہر گز متحمل نہیں ہوسکتا ۔انہوںنے یہ بات جمعہ کے روز بلوچستان ہائی کورٹ بارایسوسی ایشن کے عہدیداروں سے خطاب کرتے ہوئے کہی ۔اس موقع پر سینیٹ کے ڈپٹی چیئر مین اور جمعیت علماءاسلام کے مرکزی سیکرٹری جنرل مولانا عبدالغفوری حیدری ،صوبائی جنر ل سیکرٹری ملک سکندر ایڈوکیٹ اور پارٹی کے دیگر عہدیدار بھی موجود تھے ۔انہوں نے کہاکہ ترقی کے مینار محبتوں پر کھڑے ہوتے ہیں نہ کہ نفرتوں کی بنیاد پر ہے۔ کوئی بھی ملک کسی دوسرے ملک کو فتح نہیں کرسکتا فتح کرنے کی کوششوں میں لگے رہے تو یہ ملک غلامی کی سازشوں کا باغیچہ بن کر رہ جائے گا پاکستان جن حا لات سے گذر رہا ہے ان کو دیکھ کر آنکھیں بند کرنا حماقت ہوگی امریکہ اکسویں صدی میں خطے کی تقسیم کی طرف جارہا ہے جغرافیائی تقسیم سیاسی بنیاد پر نہیں بلکہ خون کی لکیر کھنچی جائے گی پاکستان کے اندرونی بحران کم ہیں زیادہ تر بیرونی قوتوں کے پیدا کردی ہیں اسلئے اس خطے میں ایک مشکل کے بعد دوسری مشکل پیدا کی جارہی ہے ان کا کہنا تھا کہ سی پیک کی تکمیل کے بعد پاکستان بڑے تجارتی مرکز میں بدل جائے گا اسلئے سازشوں اور خطرات کا مقابلہ باہمی اتحاد سے کرنا ہوگا ان کاکہنا تھا کہ اس وقت بلوچستان ، سندھ اور خیبر پختون خواہ میں محرومی کے سائے ہیں ۔ جمعیت علماءاسلام کے سربراہ رکن قومی اسمبلی اورامور کشمیر کمیٹی کے چیئرمین مولانا فضل الرحمٰن نے کہاکہ آج کا دن پوری دنیا کیلئے پیغام ہے کہ کشمیر پر پاکستان کا موقف پوری قوم کی آواز ہے جس میں اقلیتیں بھی شامل ہیں ستائیس اکتوبر کو کشمیر میں بھارت نے فوجیں داخل کیں جس کے بعد آج تک کشمیری عوام سراپا احتجاج ہیںستر سالوں پر محیط تحریک آزادی کشمیر ان لہروں کی ماند ہے جو ایک نہ ایک دن ضرور ساحل سے ٹکرائی گی ۔انہوں نے یہ بات جمعہ کے روز بوائز سکاﺅٹس کے سبزہ دار پرمدر ٹریسا سوسائٹی کے زیر اہتمام کشمیر بنے گا پاکستان کے موضوع سے خطاب کرتے ہوئے کہی ۔اس موقع پر سینیٹ کے ڈپٹی چیئرمین اور جمعیت علماءاسلام کے مرکزی سیکرٹری جنرل مولانا عبدالغفوری حیدری،صوبائی جنرل سیکرٹری ملک سکندرایڈوکیٹ ،رکن قومی اسمبلی اور مسلم لیگ کے رہنماءخلیل جارج اور جمعیت کے دیگر ارکان بھی موجود تھے ۔
