اسلام آباد(آئی این پی) سابق وزیراعظم نواز شریف کو پارٹی صدر کی حیثیت سے کام سے روکنے کی درخواست اسلام آباد ہائیکورٹ نے سماعت کے لےے مقرر کردی،اسلام آباد ہائی کورٹ نے نوازشریف کو نوٹس بھجواتے ہوئے 14نومبر تک جواب طلب کرلیا،
درخواست گزار ایڈووکیٹ نیاز انقلابی نے موقت اختیار کیا کہ آرٹیکل203اور 232 اے میں جو ترمیم کی عدالت اس کے خلاف حکم نامہ جاری کرے،نوازشریف کو بطور پارٹی صدر کام کرنے سے روکا جائے،سیکرٹری قانون اسٹیبلشمنٹ ڈویژن،چیف الیکشن کمشنر،سیکرٹری الیکشن کمیشن کو نوٹسز جاری کردیے گئے۔پیر کو نوازشریف کو پارٹی صدر کی حیثیت سے کام سے روکنے کی درخواست کواسلام آباد ہائیکورٹ نے سماعت کے لیے مقرر کردیا، درخواست ایڈووکیٹ نیاز انقلابی نے دائر کی تھی،جس میںموقف اختیار کیا گیا تھا کہ آرٹیکل203اور 232اے میں جو ترمیم کی گئی وہ آئین سے متصادم ہے،نوازشریف کو بطور پارٹی صدر کام کرنے سے روکا جائے،اور ترمیم کے خلا ف حکم نامہ جاری کیا جائے،درخواست پر سماعت جج عامر فاروق نے کی،عدالت نے نوٹس بھجواتے ہوئے نوازشریف کو14نومبرتک ذاتی طورپر یا وکیل کے ذریعے جواب جمع کرانے کی ہدایت کردی،سیکرٹری قانون اسٹیبلشمنٹ ڈویژن، چیف الیکشن کمشنراور سیکرٹری الیکشن کمیشن کو نوٹسز جاری کردیے کیس پر مزید سماعت14نومبر کو ہوگی۔
