Yearly Archives: 2017

پاکستان

پانامہ کیس کا آخری فیصلہ کون کرے گا…. اہم خبر سے پردہ اٹھ گیا

ملتان (ویب ڈیسک) امیر جماعت اسلامی سراج الحق نے کہا ہے کہ پانامہ لیکس کیس کا آخر میں فیصلہ عوام کرے گی ۔ کرپشن اور حکومت ساتھ ساتھ نہیں چل سکتی۔ موجودہ حکومت پانامہ لیکس کے دلدل میں پھنس چکی ہے نکل نہیں سکتی ۔ جمعرات کے روز ان خیالات کا اظہار سراج الحق نے میڈیا سے گفتگو کرتے ہوئے کیا ۔ انہوں نے کہا کہ ہم کرپشن فری پاکستان تحریک چلا رہے ہیں ۔ جماعت اسلامی اسٹیٹس کو کے خلاف ہے ۔ ہم عدالتوں سے پرامید ہیں لیکن پانامہ کیس کا آخر میں فیصلہ عوام کریں گی ۔ لوگوں نے پیسہ کمایا اور باہر بھیج دیا ۔ کرپشن اور حکومت ساتھ ساتھ نہیں چل سکتی موجودہ حکومت پانامہ لیکس کے دلدل میں پھنس چکی ہے نکل نہیں سکتی ۔امیر جماعت اسلامی نے کہا کہ پیپلزپارٹی اور مسلم لیگ (ن) کا گٹھ جوڑ نہیں ہے یہ سارے جاگیرداروں کا گٹھ جوڑ ہے ۔ سندھ کے دو حلقوں سے اراکین کے استعفے فی الحال تو اسپیکر تک نہیں پہنچے ہیں ۔ پانامہ لیکس میں شامل سب کا احتساب ہونا چاہئے لیکن پہلے وزیر اعظم کا احتساب ہونا چاہئے ۔

شوبز

دپیکا پڈوکون کے گھر میں خوشیوں کی دستک

ممبئی(ویب ڈیسک)بالی ووڈ کی صف اول کی اداکاراﺅں میں شامل دپیکا پڈوکون نے اپنی زندگی کی31 بہاریں دیکھ لیں۔پانچ جنوری1986کو ڈنمارک کے دارالحکومت کوپن ہیگن میں مشہور بھارتی بیڈمنٹن اسٹار پرکاش پڈوکون کے گھر جنم لینے والی دپیکا پڈوکون نے اپنے شوبز کیریئر کا آغاز ماڈلنگ سے کیا اور بعد ازاں2000ء میں ایک تامل فلم میں مہمان اداکارہ کی حیثیت سے ایک چھوٹا سا کردار اداکیا۔سن2006میں کناڈافلم ایشوریا سے بطور ہیروئن اپنے فلمی کیریئر کا آغاز کرنے والی دپیکا کی بالی ووڈ فلم انڈسٹری میں آمد2007میں بلاک بسٹر فلم ”اوم شانتی اوم“کے ذریعے ہوئی جس میں انہوں نے بالی ووڈ کے کنگ خان شاہ رخ کے مدِمقابل مرکزی کردار ادا کیا۔

کھیل

احمد شہزاد کے ستارے گردش میں

اسلام آباد (ویب ڈیسک )قومی کرکٹ ٹیم کے اوپنر احمد شہزاد کے ستارے گردش میں ، لاہور ریجنل کرکٹ ایسوسی ایشن نے ریجنل ون ڈے کرکٹ ٹورنامنٹ کیلئے اپنی دونوں ٹیموں میں ٹیسٹ بلے باز کو شامل کرنے سے انکار کر ڈالا۔ تفصیلات کے مطابق لاہور ریجنل کرکٹ ایسو سی ایشن نے 8جنوری سے شروع ہونیوالے پی سی بی ریجنل ون ڈے کرکٹ ٹورنامنٹ میں احمد شہزاد کو اپنی ٹیموں میں شامل کرنے سے انکار کر دیا۔ راولپنڈی اور اسلام آباد میں کھیلے جانیوالے ٹورنامنٹ میں احمد شہزاد کو لاہور کی جانب سے ٹیم میں شامل نہ کئے جانے پر اسلام آباد ریجن ٹیسٹ کرکٹرپرمہربان ہو گیا جس نے احمدشہزادکو ون ڈے ٹورنامنٹ کیلئے اپنے سکواڈ میں شامل کر لیا جہاں وہ ر یجنل ون ڈے ٹو رنامنٹ میں اسلام آباد کی جانب سے بطور گیسٹ پلیئر کھیلیں گے۔ ذرائع کے مطابق احمد شہزادکوحسن علی کی جگہ اسلام آباد کے سکواڈمیں شامل کیا گیا ہے جو قومی ون ڈے اسکواڈ کا حصہ ہونے کے باعث آسٹریلیا روانہ ہو رہے ہیں۔ احمد شہزاد ڈومیسٹک ون ڈے اور ٹی 20 کپ میں لاہورکی دونوں ٹیموں کی نمائندگی کرتے رہے ہیں لیکن لاہور کی جانب سے انہیں اپنے سکواڈ میں شامل نہ کئے جانے پر مختلف حلقوں نے حیرانگی کا اظہار کیا ہے۔ ریجنل ون ڈے ٹورنامنٹ 8جنوری سے اسلام آباد اور راولپنڈی میں کھیلا جائیگاجس میں 8بہترین ریجن کی ٹیمیں ایکشن میں نظر آئیں گی۔

کھیل

آسٹریلوی سر زمین پر اظہر علی کا ایک اور اعزاز اپنے نام

سڈنی(ویب ڈیسک)پاکستان کی ٹیسٹ ٹیم کے نائب کپتان اظہر علی نے آسٹریلیا کے خلاف تیسرے ٹیسٹ میچ میں 71 رنز کی اننگز کھیل کر آسٹریلین سرزمین پر ایک سیریز میں سب سے زیادہ رنز بنانے والے پاکستانی بلے باز کا اعزاز حاصل کر لیا ہے۔اظہر علی سڈنی ٹیسٹ کے تیسرے دن اظہر علی وکٹوں کے درمیان غلط فہمی کے نتیجے میں رن آو¿ٹ ہو کر پویلین لوٹے لیکن اس اننگز کے دوران انہوں نے ایک ایسا ریکارڈ اپنے نام کر لیا جو کوئی پاکستانی نہ کر سکا۔اظہر اب آسٹریلیا کے خلاف تین ٹیسٹ میچوں کی پانچ اننگز کے دوران 395 رنز بنا چکے ہیں اور اس کےساتھ ہی آسٹریلیا میں ایک سیریز کے دوران سب سے زیادہ رنز بنانے والے پاکستانی بیٹسمین بن گئے ہیں۔اس سے قبل یہ ریکارڈ محسن حسن خان کے پاس تھا جنہوں نے 9 اننگز میں 390 رنز بنائے تھے اور ان کا سب سے بڑا اسکور 152 رنز تھا۔ اس فہرست میں تیسرا نام ظہیر عباس کا ہے جنہوں نے چھ اننگز میں 343 رنز بنائے جبکہ قاسم عمر نے نو اننگز میں 327 اور ظہیر عباس ہی نے ایک اور سیریز کی 9 اننگز میں 323 رنز بنائے تھے۔

شوبز

جان سے ظالماتک ….ماہرہ اور شاہ رخ بارے انکشاف

ممبئی (ویب ڈیسک)بولی وڈ کی رواں ماہ ریلیز ہونے والی فلم ‘رئیس’ کا دوسرا گانا ریلیز کردیا گیا ہے، جس میں ماہرہ خان اور شاہ رخ خان کی شاندار کیمسٹری یقیناً سب کا دل جیت لے گی۔اس سے قبل فلم ‘رئیس’ کا گانا ‘لیلا میں لیلا’ ریلیز کیا گیا تھا، جس میں سنی لیون نے اپنے شاندار ڈانس سے تمام توجہ اپنی جانب مرکوز کرلی تھی، اس گانے کو اب تک 50 ملین کے قریب شائقین دیکھ چکے ہیں۔اور اب نیا رومانوی گانا ‘ظالما’ ریلیز کیا گیا ہے، جس میں شاہ رخ خان کے ساتھ ماہرہ خان بھی جلوہ گر ہوئیں، تاہم یہ کہنا غلط نہیں ہوگا کہ اس گانے میں تمام توجہ شاہ رخ کے بجائے ماہرہ خان کو ملے گی۔شاہ رخ خان نے سماجی رابطے کی ویب سائٹ ٹوئٹر پر بھی اسے مداحوں کے ساتھ شیئر کیا اور لکھا، ‘جان سے ظالما تک، امید ہے آپ سب کو گانا پسند آئے گا’۔واضح رہے کہ فلم ‘رئیس’ میں شاہ رخ خان نے ایک گجراتی گینگسٹر، ماہرہ خان نے ان کی اہلیہ جبکہ نوازالدین صدیقی نے پولیس اہلکار کا اہم کردار ادا کیا ہے۔فلم ‘رئیس’ 25 جنوری کو سینما گھروں کی زینت بنے گی۔

پاکستان

سیلفی بنانے والوں کیلئے افسوس ناک خبر

سکھر(ویب ڈیسک)سکھر میں ایک شخص سیلفی لیتے ہو ئے دریائے سندھ میں گر گیا، گرنے والے شخص کی شناخت آصف جمیل کے نام سے ہو ئی ہے۔پولیس کے مطابق سکھر کے لینس ڈاﺅن پل پر سیلفی لیتے ہوئے ایک شخص دریائے سندھ میں گرگیا۔ دریا میں گرنے والا آصف جمیل اہلیہ کے ہمراہ دریا پر تفریح کی غرض سے پل پر آیا تھا۔ اندھیرے کے باعث نعش کی تلاش کا کام صبح تک روک دیا گیا ہے۔

پاکستان

پاک فوج کا اچانک اہم اعلان ….لینڈ مافیا میں کھلبلی

اسلام آباد (ویب ڈیسک) جعلی ویب سائٹس کے ذریعے ڈی ایچ اے کی جعلی بکنگ کر نیوالوں کیخلاف پاک آرمی کا سخت کاروائی کا فیصلہ ۔آئی ایس پی آر کے مطابق کچھ جعلساز ویب سائٹ کے ذریعے رقم بنوانے کیلئے ڈی ایچ اے کی جعلی بکنگ کے مرتب ہو رہے ہیں ۔ان کیخلاف سخت کاروائی کیجائیگی ۔ترجمان کے مطابق ڈی ایچ اے جب کوئٹہ پراجیکٹ لانچ کریگا تو صرف آئی ایس پی آر اس کو تشہیر کریگا ۔

پاکستان

جنرل قمر جاوید باجوہ کا انڈین آرمی چیف کو منہ توڑ جواب…. سرحد پار کھلبلی

اسلام آباد (ویب ڈیسک) آرمی چیف جنرل قمر جاوید باجوہ نے بھارتی سرجیکل سٹرائیک کا دعویٰ مسترد کردیا۔ انہوں نے کہا ہے کہ ایسا دعویٰ کر کے انڈین آرمی چیف خود کو دھوکادے رہے ہیں۔ پاک فوج کسی بھی جارحیت کا منہ توڑ جواب دینے کی صلاحیت رکھتی ہے۔ اور اس کیلئے مکمل تیار بھی ہے۔

اہم خبریں

ملک کی سب سے بڑی عدالت سب سے بڑے کیس کا فیصلہ پیر کو سنائے گی

اسلام آباد میں میڈیا سے بات کرتے ہوئے چیرمین پاکستان تحریک انصاف عمران خان نے کہا کہ ملک جس طرح چل رہا ہے وہ سب کے سامنے ہے، ہماری تاریخ میں طاقتور مجرم کا احتساب نہیں ہوتا اس لیے پاناما کیس ملک کی تاریخ کا سب سے اہم مقدمہ ہے، عدالت میں اصل معاملہ جمعے کو اٹھایا جائے گا اور یہ کیس پیرتک ختم ہوجائے گا جب کہ سپریم کورٹ کے روزانہ سماعت کے فیصلے کی تعریف کرتا ہوں۔ حکومتی رہنماو¿ں کی جانب سے کہا جارہا ہے کہ اپوزیشن ثبوت پیش نہیں کرسکی حالانکہ ثبوت اکٹھے کرنا اپوزیشن نہیں اداروں کا کام ہوتا ہے۔عمران خان نے کہا کہ حکومت 8 ماہ سے شریف خاندان کی کرپشن کو بچارہی ہے تاہم ہمارا کیس یہ ہے کہ نواز شریف نے یہاں سے پیسہ منی لانڈرنگ کیا، نواز شریف نے بچوں کا پیسہ باہر بھجوا کر بچوں کا نام لگا دیا ہے۔ انہوں نے کہا کہ پاناما انکشافات کے بعد متضاد بیانات سامنے آئے ہیں اور کہانیاں بدلنا شروع ہوگئیں، پہلے قطری شہزادہ آیا اب دیکھتے ہیں کونسا شہزادہ آتا ہے تاہم قطری شہزادے کو مشورہ ہے اگر جیل سے بچنا چاہتے ہو توعدالت نہ آئے۔ انہوں نے کہا کہ موٹو گینگ کی جھوٹ بول بول کر شکلیں بدل گئیں ہیں، وزرا طوطوں کی طرح کہتے ہیں ثبوت نہیں دیے جب کہ کابینہ ملک چلانے کے بجائے سپریم کورٹ میں بیٹھی ہے۔عمران خان نے کہا کہ عدالت جوبھی فیصلہ کرے گی ہمیں قبول ہوگا تاہم موٹوگینگ کی غلط بیانیوں کے بعد ہمیں صورتحال واضح کرنے کے لیے پریس کانفرنس کرنا پڑتی ہے جب کہ وکیل تبدیل کرنے سے کمزورکیس بہتر نہیں ہوسکتا۔
کھیل

اسپاٹ فکسنگ ….بھارتی کرکٹ بورڈ کو بڑا دھچکا

نئی دہلی (ویب ڈیسک)بھارتی کرکٹ بورڈ قانونی بلوں کی مد میں100کروڑ روپے خرچ کرنے کے باجود سپریم کورٹ میں مقدمہ ہار گیا۔غیر ملکی ذرائع ابلاغ کے مطابق، بی سی سی آئی نے2013 آئی پی ایل میں اسپاٹ فکسنگ کے مقدمے کی کارروائی کے دوران 100 کروڑ روپے سے زائد رقم خرچ کی۔ذرائع کا کہنا ہے کہ مقدمے کی کارروائی میں بورڈ نے یومیہ 9لاکھ روپے مختلف سطح پر خرچ کیے۔ واضح رہے کہ پیر کے روز سپریم کورٹ کے فیصلے تک 2013 سے چلنے والے مقدمے کی 91 سماعتیں ہوئی تھیں۔