لاہور (شوبز ڈیسک) لالی وڈ ،ٹی وی اور اسٹیج کی معروف میگھا نے کہا ہے کہ ہرکام میں کا میابی کیلئے محنت اور اپنی منزل پانے لینے کی جستجو کا ہونا ضروری ہے‘اب سفارش کا زمانہ نہیں ہر میدان میں ٹیلنٹ اور معیاری کام کو ترجیح دی جاتی ہے۔ خصوصی گفتگو کرتے ہوئے فلم سٹار میگھا نے کہا کہ اب تک میں نے شوبز انڈسڑی میں جتنا بھی کام کیا ہے میں اس بارے پنی کارکردگی سے مطمئن ہوں۔ انہوں نے کہا کہ پاکستان میں شوبز انڈسڑی میں جو ٹیلنٹ موجود ہے دنیا میں اسکی کسی اور ملک میں مثال نہیں ملتی صرف پاکستانی شوبز انڈسڑی میں نئے آنیوالوں کو موقع دینے کی ضرورت ہے ۔

ممبئی(شوبز ڈیسک )بالی وڈ کنگ شاہ رخ خان اور پاکستانی اداکارہ ماہرہ خان کی فلم رئیس کا پہلا پوسٹر منظر عام پر آگیا ہے جس میں ماہرہ کے ساتھ ان کی کیمسٹری نے مداحوں کے دل جیت لیے ہیں۔بالی وڈ کنگ شاہ رخ خان نے سماجی رابطے کی سائٹ ٹوئٹر پر پاکستانی اداکارہ ماہرہ خان کے ساتھ آنے والی فلم رئیس کا پوسٹر شئیر کیا۔ شاہ رخ خان نے اپنے اکاو¿نٹ پررئیس کے 2 پوسٹرز شئیر کیے ہیں، پہلے پوسٹر میں شاہ رخ خان چشمہ لگاکر کھڑے ہیں اور کافی غصہ میں دکھائی دے رہے ہیں جب کہ انہوں نے پوسٹر کو ’او ظالماں‘ لکھ کر شئیر کیا ہے۔دوسرے پوسٹر میں شاہ رخ خان پاکستانی اداکارہ ماہرہ خان کے ساتھ کھڑے ہیں جس میں دونوں نے ایک دوسرے کا ہاتھ انتہائی مضبوطی سے تھاما ہوا ہے، پوسٹر میں شاہ رخ خان زخمی نظر آرہے ہیں لیکن پوسٹر میں ماہرہ خان اور شاہ رخ کی کیمسٹری نے پاکستان اور بھارت میں اپنے اپنے مداحوں کے دل جیت لیے ہیں جب کہ شاہ رخ خان پوسٹر شئیر کرتے ہوئے شعر بھی لکھنا نہ بھولے، ”تو شمع ہے تو یاد رکھنا۔۔۔ میں بھی ہوں پروانہ“واضح رہے کہ راہول ڈھولکیا کی ہدایت کاری میں بننے والی فلم ماہرہ خان شاہ رخ خان کی اہلیہ کا کردار نبھارہی ہیں، دیگر کاسٹ میں نواز الدین صدیقی اور عبد الاحد آصف بھی شامل ہیں جب کہ فلم رواں ماہ ریلیز کی جائی گی۔

لاس اینجلس (شوبز ڈیسک)خوف اور دہشت سے بھرپور سائنس فکشن ایکشن ہارر فلم سیریز ’ریزیڈنٹ ایول‘ سیریز کی آخری فلم ’ریزیڈنٹ ایول دی فائنل چیپٹر‘ کی نئی جھلکیاں جاری کردی گئی ہیں۔ہدایتکار پال اینڈریوسن کی یہ فلم ’ریزیڈنٹ ایول‘ سیریز سلسلے کی چھٹی کڑی ہے، جس کی کہانی ایک بار پھر خطرناک وائرس کا شکار ہونیوالے افراد کے گِرد گھوم رہی ہے، جو انفیکشن سے محفوظ افراد کو اپنے گروہ میں شامل کرنے پر تل جاتے ہیں، جبکہ راستے کی رکاوٹ بننے والے افراد کو جان سے مار دیتے ہیں۔جیریمی بولٹ، رابرٹ کلزر اور پال اینڈرسن کی مشترکہ پروڈیوس کردہ اس فلم میں مشہورِ زمانہ اداکارہ مِلا جو ووِچ ایک بار پھر اپنے گزشتہ کردار میں ایکشن میں دکھائی دیں گی۔، جن کے علاوہ فلم کی دیگر کاسٹ میں شان رابرٹس، علی لارٹر، روبی روز، ایئن گلین اور ولیئم لیوی شامل ہیں۔

ممبئی(شوبز ڈیسک) بالی ووڈ اداکارہ سوناکشی سنہا نے طویل معاشقے کے بعد اپنے قریبی دوست بنٹی سجدے سے منگنی کا فیصلہ کرلیا جس کی باقاعدہ رسم آئندہ برس فروری میں ادا کی جائے گی۔بالی ووڈ اداکارہ انوشکا شرما اور کرکٹر ویرات کوہلی کی نئے سال کی آمد کے موقع پر منگنی کرنے کی خبریں زیر گردش ہیں جن کی دونوں کی جانب سے تردید کی گئی ہے لیکن اب بالی ووڈ کی ایک اور حسینہ کی منگنی کی خبریں سامنے آئی ہیں۔ اداکارہ سوناکشی سنہا نے اپنے قریبی دوست بنٹی سجدے کے ساتھ طویل معاشقے کورشتے میں بدلنے کا فیصلہ کیا ہے اور جلد ہی دونوں منگنی کرلیں گے جب کہ منگنی کی تقریب فروری میں ادا کیا جائے گی جس میں قریبی دوستوں اور رشتے داروں کو مدعو کیا جائے گا تاہم اداکارہ نے تاحال ان خبروں پر خاموشی اختیار کررکھی ہے جس سے منگنی کی خبروں کو تقویت مل رہی ہے۔واضح رہے کہ اداکارہ سوناکشی سنہا اور اور بنٹی سجدے کو 2012 میں مختلف مقامات اور تقریبات میں دیکھا گیا تھا تاہم اداکارہ نے ہمیشہ اپنے تعلق پر خاموشی اختیار کی جب کہ بنٹی سجدے پہلے ہی بیوی کو طلاق دے چکے ہیں۔

ممبئی(شوبز ڈیسک) بالی ووڈ اداکار سلمان خان اپنی نئی فلم میں پہلی بار نوجوان بیٹی کے باپ کا کردار نبھائیں گے۔بھارتی میڈیا کے مطابق عامر خان کوان کی حال ہی میں ریلیز ہونے والی فلم ”دنگل“ میں جوان بیٹی کا باپ دیکھنے کے بعد اب سلمان خان بھی نوجوان بیٹی کے باپ کا کردار ادا کرتے ہوئے د کھائی دیں گے۔فلم رقص کے موضوع پر مبنی ہو گی جس میں سلمان اپنی بیٹی کو ڈانس چیلنج کے لیے تیار کریں گے،بتایاگیاہے کہ سلمان خان اس کردار کو نبھانے کے لیے اپنا 18 کلو وزن بھی کم کریں گے، فلم کی عکسبندی کا آغاز جلد ہی کیا جائے گا۔

ممبئی(شوبز ڈیسک)پاکستانی اداکارہ ماہرہ خان کے بھارت سے متعلق دیئے گئے پرانے بیان کی ویڈیو ایک بارسامنے آ گئی ہے جس میں اداکارہ نے بالی ووڈ پر خوب تنقید کی ہے جبکہ اب اداکارہ خود بالی ووڈ میں شارخ خان کے ساتھ فلم کر چکی ہیں جو کہ جلد ہی ریلز ہونے والی ہے۔تفصیلات کے مطابق بھارت میں اڑی حملے کے بعد انتہا پسند ہندوں نے پاکستانی فنکاروں کے خلاف زہر اگلنا شروع کر دیا تھا جبکہ فواد خان کی فلم اے دل ہے مشکل کو ریلیز کرنے کیخلاف بھی احتجاج اور دھمکیاں دینے کا سلسلہ شروع کر دیا تھا اور پاکستانی فنکاروں کو ملک سے نکل جانے سے متعلق بھی دھمکیاں دی گئیں ۔یہ ویڈیو 2011 میں ہونے والے ٹی وی شو کی ہے جس میں ماہرہ کا کہنا تھا کہ ہمیں بھارت سے بالکل بھی متاثر نہیں ہونا چاہیے ۔