ممبئی: بالی ووڈ کے سپر اسٹار سنی دیول کے والد دھرمیندرا اور سوتیلی والدہ ہیما مالنی اپنے وقتوں کے مشہور ترین اداکار تصور کیے جاتے ہیں لیکن ان کے چھوٹے بھائی بوبی دیول بھارتی فلم نگری میں کامیاب نہیں ہوپائے اور یہی بات ان کے لیے بہت تکلیف دہ ہے۔بالی ووڈ کے مشہوراداکار سنی دیول اور ان کے چھوٹے بھائی بوبی دیول کی فلم ”پوسٹربوائز“حال ہی میں ریلیز ہوئی ہے، فلم کے حوالے سے بات کرتے ہوئے اداکار سنی دیول نے کہا کہ طویل عرصے بعد میں اور بوبی کسی فلم میں ایک ساتھ کام کررہے ہیں اور ایک ساتھ فلم میں کام کرنے کا تجربہ بہت خوشگوار ثابت ہوا۔
ا س خبرکوبھی پڑھیں: سنی دیول کو غصہ کیوں آیا ؟
سنی دیول اپنے بھائی اور پوری فیملی سے بے انتہا محبت کرتے ہیں انہوں نے بوبی دیول کے ناکام کیرئیر کے بارے میں بات کرتے ہوئے کہا کہ میرا بھائی گزشتہ کئی برسوں سے کام کی تلاش میں تھا لیکن کوئی بھی پروڈیوسر اور ہدایت کاراسے کام دینے کے لیے تیار نہیں تھا اور اسی وجہ سے وہ ڈیپریشن میں چلا گیا تھا، سنی دیول یہ کہتے ہوئے رو پڑے اور کہا کہ وہ اپنے بھائی کے کیرئیر کو لے کر بہت فکر مند تھے۔ ہماری فیملی بہت مضبوط ہے اگر کسی پر کوئی بھی مصیبت آتی ہے تو سب مل کر اس کا مقابلہ کرتے ہیں۔
واضح رہے کہ بوبی دیول آخری بار 2013 میں فلم ”سنگھ صاحب دی گریٹ“ میں نظرآئے تھے تاہم اس فلم میں بھی وہ شائقین کو متاثر کرنے میں ناکام رہے ، سنی دیول نے مزید کہا کہ انہوں نے زیادہ تر ان ہیروئینوں کے ساتھ کام کیا ہے جو بالی ووڈ میں زیادہ کامیاب نہیں ہیں کیونکہ کامیاب اداکارائیں ان کے ساتھ کام کرنے کے لیے تیار ہی نہیں ہوتیں۔
اس خبرکوبھی پڑھیں: سنی دیول مداحوں کے شکر گزار
واضح رہے کہ سنی اوربوبی دیول کی حال ہی میں ریلیز ہونے والی فلم ”پوسٹربوائز“ بھی باکس آفس پر کمال دکھانے میں ناکام رہی ہے اور فلم دو دنوں میں صرف4 کروڑ کا بزنس ہی کرسکی ہے۔

بالی وڈ کے معروف اداکار نوازالدین صدیقی نے اپنی کتاب ‘ این آرڈنری لائف اے میمائر’ کی اگلے ماہ رونمائی کرنے کا اعلان کردیا ہے۔ وہ پچھلے دو برس سے اس کتاب پر کام کررہے ہیں۔ نوازالدین صدیقی نے اپنی زندگی پرلکھی گئی اس کتاب میںجد و جہداور ایک عام شخص سے ایک بہترین اداکار تک کے سفر کی روداد تحریر کی ہے کہ کیسے ایک چھوٹے سے گاﺅں کا نوجوان ہندوستان کے شہر دہلی میں اداکاری کے فن میں اپنی قسمت آزمانے کے لئے تھیٹر کا رخ کرتا ہے۔ واضح رہے کہ حال ہی میں نواز کی نئی فلم ‘ بابوموشی بندوق باز ‘ریلیز ہوئی ہے۔

بالی وڈ اداکارہ سناکشی سنہا نے بالی ووڈ فلم انڈسٹری میں7 برس مکمل کرلئے ہیں۔ ماضی کے مشہور اداکار شتروگن سنہا کی بیٹی اداکارہ سناکشی سنہا نے سلمان خان کےساتھ فلم” دبنگ“سے فنی کیرئیر کا آغاز کیا۔ بعد میں کئی مشہور فلموں دبنگ ٹو، راوڈی راٹھور،سن آف سردار، ہالیڈے ،ونس آپون آٹائم ان ممبئی اور آکیراجیسی فلموں میں کام کیا ۔انھوں نے گلوکاری میں بھی قسمت آزمائی۔ سوناکشی سنہا اپنی نئی فلم” اتفاق“میں سدھارتھ ملہوترا کےساتھ کام کریں گی۔

پاکستانی فلموں کی ماضی کی معروف اداکارہ شبنم اب پاکستانی ڈراموں میں اداکاری کریں گی۔ میڈیا رپورٹس کے مطابق حال ہی میں اداکارہ شبنم نے پاکستانی ڈراموں میں اداکاری کرنے کیلئے ہامی بھرلی ہے معروف پاکستانی ڈرامہ نگار فصیح باری کے نئے ٹی وی ڈرامے میں ایک اہم کردار کیلئے شبنم کا انتخاب کیا گیاہے۔ شبنم اداکارہ نور کی والدہ کا کردار نبھائیں گی۔اداکارہ شبنم بنگلہ دیش سے واپس پاکستان آنےوالی ہیں۔ ان کے آنے کے بعدنئے پاکستانی ڈرامے کی شوٹنگ کا آغاز کیاجائےگا۔اداکارہ شبنم پاکستانی فلموں کی ایک بہترین و مشہور اداکارہ کے طو رپر جانی جاتی ہیں۔ شبنم ستر کی دہائی کی لالی وڈ سینما اسکرین کی معروف ہیروئن رہی ہیں۔ اداکارہ شبنم ایک طویل عرصہ انڈسٹری سے دور رہنے کے بعد رواں برس منعقد ہونےوالے ‘کراچی لٹریچر فیسٹیول’میں شرکت کیلئے پاکستان آئی تھیں۔ فیسٹیول کے باعث شبنم کافی خبروں میں رہیں۔