لاہور:(مانیٹرنگ ڈیسک) سروے کے دوران حلقے کے ووٹرز سے صوبائی حکومت کی کارکردگی کے بارے میں سوال کیا گیا جس کے جواب میں 70 فیصد ووٹر ز نے رائے دی کہ وہ صوبائی حکومت کی کارکردگی سے مطمئن ہیں۔ اسی طرح صوبائی اسمبلی میں سیاسی جماعتوں کی کارکردگی کے بارے میں حلقے کے عوام کی رائے بھی جانی گئی۔ حلقے کے 62 فیصد ووٹرز مسلم لیگ کی کارکردگی سے مطمئن تھے، 23 فیصد نے تحریک انصاف ، 2 فیصد ووٹرز جماعت اسلامی اور پیپلز پارٹی اور 2 فیصد ہی نے دیگر پارٹیوں کی کارکردگی کو تسلی بخش قرار دیا ہے جبکہ 9 فیصد ووٹرز نے کہا کہ وہ اس حوالے سے کوئی فیصلہ نہیں کرسکتے۔
پلس کنسلٹنٹ کے این اے ۱۲۰ میں عوامی سروے رپورٹ میں جہاں ایک طرف سیاسی حلقوں میں ایک کھلبلی مچا دیا ہے، جس میں عوام نے مسلم لیگ(ن) کے حق میں ۶۲فیصدنے مکمل اعتماد کا اظہارکیا ،جب کہ بدترین حریف جماعت تحریک انصاف کیساتھ صرف ۲۳فیصد عوام نظر آئی ،جبکہ این اے ۱۲۰ میں عوامی رائے کے مطابق مسلم لیگ (ن)کی ۶۹فیصدیقینی فتح کے امکانات روشن ہیں۔ وہاں دوسری طرف اِسی سروے میں پنجاب گورنمنٹ کی کارکردگی کو خوب سراہا گیا ہے ،۷۰فیصد عوام نے پنجاب حکومت کی پرفارمنس کو مکمل تسلی بخش قرار دیا ہے ،جبکہ ۱۶فیصد عوام نے کسی حد تک اطمینان کا اظہار کیا ہے اور صرف ۱۴فیصدعوام مطمعن نظر نہیں آئی۔عوامی رائے کے مطابق این اے ۱۲۰ میں الیکشن مہم کے دوران مسلم لیگ(ن) کو ملنے والی عوامی پذیرائی وزیراعلیٰ پنجاب شہباز شریف کے ویڑن کے مطابق ہونے والے ترقیاتی کاموں کا ثمر ہے۔ یہاں یہ بات بھی قابل ذکر ہے کہ اِسی سروے رپورٹ میں ۶۲فیصد عوام وفاقی حکومت کی کارکردگی سے بھی راضی نظر آئی ہے۔
