لاہور( این این آئی)قومی ٹیم کے ہیڈ کوچ مکی آرتھردیگر کوچنگ سٹاف کے ہمراہ آسٹریلیا سے لاہور پہنچ گئے ۔مکی آرتھر اور دیگر کوچنگ سٹاف چھٹیاں منانے آسٹریلیا گئے ہوئے تھے ۔ کوچنگ سٹاف کی لاہور ائیر پورٹ آمد پر سکیورٹی کے سخت انتظامات کئے گئے تھے۔k

لاہور(نیوز ایجنسیاں) پاکستانی نژاد برطانوی باکسر عامر خان کا کہنا ہے ان کی خواہش ہے کہ پاکستان میں کرائی جانے والی باکسنگ سپر لیگ کا آغاز لاہور سے کیا جائے۔باکسر عامر خان نے 4 ستمبر کو پاکستان میں باکسنگ سپر لیگ کرانے کا اعلان کیا تھا جس کے حوالے سے ان کا کہنا تھا کہ باکسنگ سپر لیگ میں 8 شہروں کی ٹیمیں شامل ہوں گی۔باکسر عام خان کے مطابق باکسنگ سپر لیگ کی ہر ٹیم میں ایک خاتون باکسر بھی ہوگی جب کہ لیگ میں لاہور، کراچی، اسلام آباد، ملتان، سیالکوٹ، فیصل آباد، پشاور اور کوئٹہ کی ٹیمیں بنائی جائیں گی۔عامر خان نے داتا دربار پر حاضری بھی دی اور کہا کہ خاندانی مسائل کے بعد پاکستان ا?کر سکون محسوس کر رہا ہوں۔

اسلام آباد (اے پی پی) سابق عالمی چیمپئن سکواش جان شیرخان نے کہا ہے کہ کھلاڑی سخت محنت کریں تو دنیا میں سکواش کا کھویا ہوا مقام دوبارہ حاصل کر سکتے ہیں۔ پاکستانی ہیرو جا ن شیرخان نے کہا کہ کھیلوںکے میدان میں پاکستان نے کئی عرصہ تک حکمرانی کر رکھی ہے جس میں قومی کھیل ہاکی، کرکٹ، سکواش اور سنوکر وغیرہ شامل ہیں اور آہستہ آہستہ یہ اعزارت ہمارے ہاتھ سے نکلتے گئے، اس کی سب سے بڑی وجہ یہ تھی کہ کھلاڑیوں نے محنت کرنی اور آرگنائزر نے دلچسپی لینی چھوڑ دی، اگر کھلاڑی محنت کرتے تو کوئی شک نہیں کہ یہ اعزارت ہمارے پاس اب بھی ہوتے جن ملکوں نے کھیلوں میںہم سے سیکھا وہ ہم سے کافی آگے نکل گئے ہیں۔ انہوں نے کہا کہ میں اب بھی یقین سے کہتا ہوںکہ اگر آرگنائزر نیک نیتی سے کام لیں اور کھلاڑی سخت محنت کریں تو اس میں کوئی شک نہیں کہ ہم دنیا میں کھویا ہو ا مقام دوبارہ حاصل نہ کر سکیں۔ انہوں نے کہا کہ ہمارے دور میں اتنی سہولیات بھی نہیں ہوتی تھیں جتنی اب کھلاڑی کو میسر ہیں اور آرگنائزر کو بھی چاہئے کہ کھلاڑیوں کےلئے اچھے کوچز مہیا کریں اور زیادہ سے زیادہ ٹورنامنٹس کا انعقاد کرےں، جان شیر خان نے کہا کہ آج کے دور میں انٹرنیٹ سے زیادہ کام لیا جا رہا ہے اور ہر کھلاڑی کے پاس موبائل سیٹ اور نیٹ کی سہولیات موجود ہوتی ہے وہ کھیل کے میدان میں کھیلنے کی بجائے زیادہ توجہ نیٹ پر دیتاہے۔ ہمارے دور میں یہ سہولیات موجود نہیں تھیں اور ہم چھ سے آٹھ گھنٹے روزانہ کی بنیاد پر پریکٹس کرتے تھے۔ ایک سوال کے جواب میں انہوں نے کہا کہ خواتین کو بھی مردوں کی طرح تربیتی کیمپس کے دوران صحیح تربیت دی جائے تو وہ بھی عالمی سطح پر ملک کا نام روشن کر سکتی ہیں اور ہماری خواتین کھلاڑی کئی انٹر نیشنل سطح پر کرکٹ، سائیکلنگ، ویٹ لفٹنگ، پاور لفٹنگ، جوجٹسو، نیٹ بال، تھروبال اور اتھلیٹکس کے علاوہ کئی ایونٹس میں میڈلز حاصل کر چکی ہیں۔ انہوں نے کہا کہ ہماری خواتین کھلاڑی کسی سے کم نہیں ہیں اور ہمارے ہاں خواتین کو وہ سہولیات نہیں ملتی جو انٹرنیشنل سطح پر خواتین کھلاڑیوں کو ملتی ہیں جب تک ہم خواتین کھلاڑیوں کو سہولیات فراہم نہیں کریں گے تو ان پر رزلٹ کی توقع بھی نہیں کرنی چاہئے۔ سکواش کے حوالے سے انہوں نے پاکستان سکواش فیڈریشن کے صدر چیف آف ایئرسٹاف ، چیف ایئر مارشل سہیل امان کی ملک میں سکواش کے فروغ کےلئے خدمات قابل تعریف ہیں اور وہ انٹرنیشنل سکواش کی بحالی کےلئے دن رات کوشش کر رہے ہیں۔ ایک اور سوال کے جواب میں انہوں نے کہا کہ تعلیمی ادارے بھی ملک میں کھیلوں نے نظام میں بہتری لانے میں اہم کردار ادا کر سکتے ہیں اور حکومت کو چاہئے کہ تعلیمی اداروں میں کھیلوں کے انعقاد کو یقینی بنائے۔

لاہور(نیوزایجنسیاں)کیریبیئن پریمیئر لیگ میں ایک اور پاکستانی کھلاڑی کی خدمات حاصل کرلی گئیں اور بالی وڈ اسٹار شاہ رخ خان کی ٹیم ٹرنباگو نائٹ رائیڈرز نے لیگ اسپنر یاسر شاہ سے معاہدہ کرلیا ہے۔پاکستانی اسپنر کیریبیئن پریمیر لیگ کے پلے آف اور فائنلز مرحلے میں ٹرنباگو نائٹ رائیڈرز کی نمائندگی کریں گے۔مایہ ناز کھلاڑی یاسر شاہ کچھ روز قبل ہی انگلش کاو¿نٹی کینٹ کے لیے عمدہ پرفارمنس دکھانے کے بعد وطن واپس لوٹے ہیں جبکہ وہ جنوبی افریقہ کی گلوبل ٹی ٹوئنٹی لیگ میں بھی جوہانسبرگ جائنٹس کی نمائندگی کریں گے۔یاد رہے کہ اس سے قبل شاداب خان، کامران اکمل، شعیب ملک اور سہیل تنویر سمیت متعدد کھلاڑی کیریبیئن پریمیئر لیگ میں اپنی اپنی ٹیموں کی نمائندگی کرتے ہوئے عمدہ کارکردگی کا مظاہرہ کر رہے ہیں۔
یاسر شاہ نے 2011 میں زمبابوے کے خلاف اپنا ایک روزہ ڈیبیو کیا تھا تاہم وہ ٹیم میں مستقل جگہ بنانے میں ناکام رہے تھے۔بعدازاں 2014 میں انہوں نے ٹیسٹ ڈیبیو کیا اور اپنی عمدہ باو¿لنگ سے جلد ہی دنیائے کرکٹ میں اپنا نام بنا لیا اور وہ تیز ترین 100 ٹیسٹ وکٹیں حاصل کرنے والے باو¿لرز کی فہرست میں دوسرے نمبر پر موجود ہیں۔

نئی دہلی(نیوزایجنسیاں)بھارتی ویمنز کرکٹ ٹیم کی کپتان میتھالی راج کو سماجی رابطے کی ویب سائٹ پر اپنے دوستوں کے ساتھ بولڈ تصویر شیئر کرنا مہنگا پڑ گیا۔بھارتی وومن کرکٹ ٹیم کی کپتان میتھالی راج نے اپنے دوستوں کے ساتھ ایک گروپ فوٹو سماجی رابطے کی مائیکرو بلاگنگ ویب سائٹ ٹویٹر پر پوسٹ کی جس میں انہوں نے کافی بولڈ لباس پہن رکھا ہے۔ میتھالی راج کا یہ عمل ان کے مداحوں کو بہت ناگوار گزرا اور انہوں نے تعریف کے بجائے انہیں خوب تنقید کا نشانہ بنا ڈالا۔ایک صارف نے میتھالی راج کو مشورہ دیتے ہوئے کہا کہ ”میم اس تصویر کو ڈیلیٹ کر دیجئے، لوگ آپ کو اپنا آئیڈیل مانتے ہیں لیکن آپ کے اس طرح لباس کو نہیں۔“ایک اور مداح نے میتھالی راج کے لباس کے چناو¿ کو غلط قرار دیتے ہوئے انہیں مشورہ دیا کہ آپ کو ایسے لباس نہیں پہننے چاہئیں جب کہ ایک دوسرے صارف نے کہا کہ آپ کیوں اس طرح کی تصاویر آپ لوڈ کرتی ہیں، یہ اچھی نہیں ہیں۔ دوسری جانب ایک صارف نے لکھا کہ آپ سے اس طرح کی تصاویر کی امید نہیں تھی۔