کراچی (خصوصی رپورٹ) مسلم لیگ (ن) کے رہنما پرویزرشید کا ایم کیو ایم رہنما فاروق ستار کو ٹیلیفون‘ سیاسی صورتحال پر تبادلہ خیال کیا۔ دونوں رہنماﺅں کے درمیان ہونے والی گفتگو میں سیاسی صورتحال‘ سینٹ انتخابات سمیت ایم کیو ایم کے اندرونی معاملات پر تبادلہ خیال کیا گیا۔ ذرائع کا کہنا ہے کہ موجودہ صورتحال میں پرویزرشید کی فاروق ستار کو مکمل تعاون کی یقین دہانی کروائی گئی ہے کہ آپ کو گھبرانے کی ضرورت نہیں‘ (ن) لیگ آپ کے ساتھ کھڑی ہے۔ آپ کی پارٹی پر قبضے کی کوشش کی جا رہی ہے‘ ایسا نہیں ہونے دیں گے۔ اس موقع پر فاروق ستار کا کہنا تھا کہ کچھ لوگ غلط فہمی کا شکار ہو کر بڑی سازش کا شکار ہو رہے ہیں۔ ہمت والا ہوں‘ حق پر ہوں‘ ڈٹا رہوں گا۔ انہوں نے کہا کہ میں (ن) لیگ کا تعاون کی پیشکش پر شکرگزار ہوں۔
فون
