لاہور (خصوصی رپورٹ) سابق انسپکٹر عابد باکسر کے جعلی پولیس مقابلوں کے حوالے سے تہلکہ خیز انکشافات کے بعد پنجاب پولیس کے افسروں اور اہم شخصیات میں کھلبلی مچ گئی۔ ذرائع نے انکشاف کیا ہے کہ گزشتہ کئی روز سے عابد باکسر کے گھر ماڈل ٹاﺅن میں سرکاری گاڑیوں کی آمدورفت بڑھ گئی ہے۔ عابد باکسر کے گھر مقیم اس کے اہلخانہ اور سسرالیوں سے ملاقاتوں کا سلسلہ جاری ہے۔ پولیس افسروں اور اہم شخصیات کی جانب سے عابد باکسر کی فیملی سے کہا گیا ہے کہ سابق انسپکٹر کو پیغام بھجوائیں کہ وہ کسی سیاسی شخصیت یا پولیس آفیسر کیخلاف زبان نہ کھولے۔
