لاہور (آن لائن) پاکستان میں فٹبال کی موجودہ صورتحال کا جائزہ لینے کیلیے فیفا اپنا مشن پاکستان بھیجے گا۔فیفا کے ترجمان نے کے مطا بق یہ بات حتمی ہے کہ فیفا کا مشن مستقبل قریب میں پاکستان کا دورہ کرے گا ، اس دوران مشن پاکستان میں فٹبال کی موجودہ صورتحال کا جائزہ لینے کے ساتھ ساتھ بہتری کیلیے اقدامات کی سفارش پیش کرے گا۔ عدالت کی جانب سے پی ایف ایف کے صدر مخدوم فیصل صالح حیات کے چوتھی بار انتخاب کو کالعدم قرار دیتے ہوئے اسد منیر کو ایڈمنسٹریٹر مقرر کیا گیا تھا جس پر فیفا نے گزشتہ سال اکتوبر میں پاکستان فٹبال فیڈریشن کو معطل کر دیا تھا۔معطلی کے دوران کوئی ڈومیسٹک لیگ نہیں ہو سکی اور پاکستان رینکنگ میں 203 ویں نمبر پر چلا گیا۔ اب فیصل صالح حیات کی بحالی کے بعد فیڈریشن فعال ہو چکی ہے تاہم انتظامی سطح پر حالات اب بھی ابتری کا شکار ہیں جس کی وجہ سے پاکستانی فٹبالرز متاثر ہو رہے ہیں۔
