لاہور(شوبزڈیسک) سعدیہ جبار پروڈکشنز کے تحت ڈرامہ سیریل”گھمنڈ “کی تیاریاں شرو ع ۔ اس کی ہدایات” میرے قاتل میرے دلدار“سے شہرت پانے والے ڈائریکٹر عاصم علی نے دیں ہیں جبکہ کہانی سائرہ رضا نے تحریر کی ہے۔سعدیہ جبار کی تخلیق میں محبت اور مزاح سے بھرپور فلم ”بالوماہی“ ڈرامہ سیریل “میرا نام یوسف ہے”اور “خدا دیکھ رہاہے”شامل ہیں۔وہ ایک بار پھر اداکار نعمان اعجا ز اور سنیتا مارشل کی جوڑی کو لیکر ایک ایسے ڈرامے کی تیاری میں مصروف ہیں جودیکھنے والوں کو ٹی وی سکرین کے سامنے سے ہٹنے نہیں دیگا۔ کہانی ایسی لڑکی کی ہے جو امیر کاروباری باپ کی بیٹی ہے اور سمجھتی ہے کہ دولت سے دنیا کی ہر چیز خرید سکتی ہے۔ وہ دولت کے نشے میں عزیز ترین لے پالک کی زندگی اپنی دھوکہ دہی کی فطرت سے تباہ و برباد کردیتی ہے۔ کہانی اس گھمنڈی عورت کے گرد گھوم رہی ہے۔
