لاہور(شوبزڈیسک) اداکارہ و ماڈل عروہ حسین نے بھارتی اداکارہ سوارا بھاسکر کو پاکستان کو ناکام ریاست کہنے اور پاکستان کے خلاف دوغلی پالیسی اپنانے پر آڑے ہاتھوں لیتے ہوئے خوب کھری کھری سنادیں۔ فلم ویرے دی ویڈنگ میں بولڈ مکالمے اور غیر اخلاقی سین ہونے کی وجہ سے فلم پر پاکستان میں پابندی عائد کردی گئی ہے تاہم سوارا بھاسکر کو ایک آنکھ نہ بھائی اور انہوں نے پاکستان کے خلاف ہرزہ سرائی شروع کردی۔تاہم عروہ حسین نے سوارا بھاسکر کو آئینہ کو دکھاتے ہوئے کہا کہ آپ نے ہی پاکستان کو دنیا کا بہتر ملک قرار دیاتھا ۔ اور کہا آپ نے اپنی ہی فلم پدماوت پر پابندی عائد کیوں کی تھی۔، آپ عورتوں کے حقوق کی بات کرتی ہیں ، آج کے بعد عورتوں کے حقوق کی بات مت کریئے گا۔عروہ حسین نے مزید کہا کہ پاکستان ناکام ریاست نہیں ہے لیکن آپ لازما ایک کمزور اور ناکام انسان ہیں۔
