لاہور(شوبزڈیسک)عید پر ریلیز ہونے والی لالی وڈ کی فلم ” سات دن محبت ان “ نے ایڈوانس بکنگ کا نیا ریکارڈ قائم کردیا ۔ڈسٹری بیوشن کلب کے زیر اہتمام ریلیز ہونے والی فلم میں ماہرہ خان اور شہریار منورکی جوڑی نے مرکزی کردار ادا کیا ہے ۔ عید الفطر کے تہوار کی مناسبت سے بنائی گئی پاکستانی فلمی صنعت کی نئی فلم ”سات دن محبت ان“ نے ریلیز سے قبل ہی شائقین کو دیوانہ بنا لیا ہے۔ ٹریڈ حلقوں کے مطابق فلم نے ریلیز سے قبل ہی لاہور کراچی اور اسلام آباد سمیت سرکٹ کے تمام سنیماﺅںنے رواں برس ایڈوانس بکنگ کا نیا ریکارڈ قائم کردیا ہے اورتاہ ترین اطلاعات کے مطابق ملٹی پلیکس سنیماﺅں میں فلم کے ابتدائی تمام شوز کی ایڈوانس بکنگ مکمل ہوچکی ہے ۔ تجزیہ نگاروں کا کہنا ہے کہ’ ’ سات دن محبت ان “فیملی اینٹرٹینمنٹ کو مد نظر رکھ کربنا ئی گئی ہے۔
ایک رومانٹک کامیڈی فلم ہے جس میں ٹی وی کی فنکارہ حنا دلپذیر،آمنہ الیاس اور لجاوید شیخ نے بھی یادگار رول ادا کئے ہیں جبکہ ورسٹائل اورباصلاحیت فنکارہ میرا سیٹھی پہلی بار ”سات دن محبت ان“ کے ذریعے سلور سکرین پر جلوہ گر ہورہی ہیں۔ فلم پنجاب نہیں جاﺅ نگی اور جوانی پھر نہیں آنی کے نہ صرف باکس آفس ریکارڈزتوڑ ے گی بلکہ پاکستانی فلمی صنعت کی ترقی اور ترویج کے عمل میں مزید تقویت دے گی ۔
