اسلام آباد (آن لائن) عام انتخابات کو پر امن اور شفاف بنانے کیلئے پاکستان تحریک انصاف نے مطالبہ کیا ہے کہ وزراءاعلیٰ کی ایپکس کمیٹی کا اجلاس بلایا جائے‘ نواز شریف کی آمد کے موقع پر شہباز شریف کو گلہ پھاڑ پھاڑ کر کارکنوں کو بلانے کی کیوں ضرورت پڑ گئی‘ لاہور کی سڑکیں کل کی طرح آج بھی کھلی ہیں لیکن افسوس کہ نااہل ‘ کرپٹ اور چور شخص کو کوئی استقبال کرنے والا باہر نکلا ہی نہیں ہے۔ ان خیالات کا اظہار سیکرٹری اطلاعات فواد چوہدری نے ایک پریس کانفرنس کے دوران کیا۔ فواد چوہدری نے کہا ہے کہ نگران حکومتیں محدود اختیارات کے ساتھ آتی ہیں وزراءاعلیٰ کو چاہیے کہ انتخابات کے انعقاد اور ملکی مستقبل کیلئے ایپکس کمیٹی کا اجلاس بلا کر مشترکہ طور پر فیصلہ کریں۔ ایپکس کمیٹی کے اجلاس کی سفارشات کی روشنی میں آگے بڑھنا چاہیے۔ ان کا کہنا ہے کہ نواز شریف ایسے آرہے ہیں جیسے کشمیر فتح کرکے قوم کو خوشخبریں دینی ہو۔ ان کا یہ بھی کہنا ہے کہ جن کے پیسے لوٹے گئے انہیں کہا جارہا ہے ہمارے استقبال کیلئے آئیں دستاویزات سے پتہ چلا اربوں روپے کی ایون فیلڈ پراپرٹی نواز شریف اور ان کی بیٹی کے نام پر ہے۔ فواد چوہدری نے کہا بنوں میں اکرم درانی کے قافلے پر حملہ کی پاکستان تحریک انصاف شدید مذمت کرتی ہے اور دعا ہے کہ اللہ پاک ایسے حادثوں سے ہر کسی کو محفوظ رکھے۔ فواد چوہدری نے کہا کہ نواز شریف سے صرف یہ پوچھا گیا کہ اتنا پیسہ کہاں سے آیا حسن حسین اور نواز شریف سولہ کمپنیوں کا نیٹ ورک چلا رہے ہیں ان ٹرانزیکشن پر نہ کوئی پوچھا جائے کہ یہ کیسے ہوئیں انہون ن کہا کہ شہباز شریف اپنے بھائی کے استقبال کیلئے گلہ پھاڑ پھاڑ کر کارکنوں کو بلا رہے ہیں اور مقافات عمل ہے کہ چور شخص کے استقبال کیلئے کوئی کارکن آنے کو تیار نہیں ہے اور اس موقع پر موبائل فون کی بندش نہیں ہونی چاہیے تھی۔
