لاہور (ویب ڈیسک)سیکیورٹی فورسز نے پنجاب کے مختلف شہروں میں کارروائی کرتے ہوئے 5 دہشت گرد اور ان کے سہولت کاروں کو گرفتار کرلیا۔پاک فوج کے شعبہ تعلقات عامہ (آئی ایس پی آر) کے مطابق پنجاب رینجرز، پولیس اور قانون نافذ کرنے والے اداروں نے لاہور، ڈیرہ غازی خان، اٹک، سیالکوٹ، میانوالی اور فیصل ا?باد میں خفیہ اطلاعات پر آپریشنز اور چیکنگ کی۔آئی ایس پی آر کا کہنا ہے کہ آپریشنز اور چیکنگ کے دوران 5 دہشت گردوں اور ان کے سہولت کاروں کو گرفتار کیا گیا ہے۔آئی ایس پی آر نے بتایا کہ دہشت گردوں اور سہولت کاروں کی گرفتاری لاہور اور ڈیرہ غازی خان سے ہوئی ہے جب کہ 24 مشتبہ افراد کو بھی گرفتار کیا گیا ہے جن کے قبضے سے غیرقانونی اسلحہ برآمد کیا گیا۔
پنجاب میں 5 دہشت گرد اور ان کے سہولت کار گرفتار، آئی ایس پی آر
