آلودہ ترین شہروں میں لاہور چوتھے نمبر پر رہا

لاہور (این این آئی) آلودہ ترین شہروں کی n فہرست میں لاہور چوتھے نمبر پر آگیا، شہر میں فضائی آلودگی کی شرح 163ریکارڈ کی گئی۔ ایئر کوالٹی کے مطابق برکی روڈ پر 182، گلبرگ ٹو میں 176، پیراگون سٹی میں 169اور بیدیاں روڈ پر 166کی شرح ریکارڈ کی گئی۔ ڈی ایچ اے فیز فائیو میں 163جبکہ اقبال ٹائون میں 160کی فضائی آلودگی ریکارڈ ہوئی۔ محکمہ موسمیات کے مطابق باغات کے شہر لاہور کا موجودہ درجہ حرارت 27 ڈگری سینٹی گریڈ ریکارڈ کیا گیا۔ لاہور میں ہوا میں نمی کا تناسب 77فیصد ریکارڈ کیا گیا جبکہ 3کلومیٹر فی گھنٹہ کی رفتار سے ہوائیں چل رہی ہیں۔ محکمہ موسمیات کے مطابق شہر میں بارش کا کوئی امکان نہیں۔