لاہور ہائیکورٹ بار کو حکومت پنجاب کی جانب سے 5کروڑ روپے کی گرانٹ کا چیک جاری

لاہور (این این آئی) لاہور ہائیکورٹ بار کو  حکومت پنجاب کی جانب سے5 کروڑ روپے کی گرانٹ کا چیک جاری کر دیا گیا۔ ایڈووکیٹ جنرل پنجاب نے لاہور ہائیکورٹ بار کو5 کروڑ روپے کیگرانٹ کا چیک دے دیا۔ صدر لاہور ہائیکورٹ بار بابر مرتضیٰ کی قیادت میں بار عہدیداروں نے گرانٹ کا چیک وصول کر لیا۔ ذرائع کے مطابق حکومتی فنڈز نہ ملنے کے باعث لاہور ہائیکورٹ بار کے ملازمین گزشتہ 5 ماہ سے تنخواہوں سے محروم تھے۔ ذرائع کا کہنا ہے کہ لاہور ہائیکورٹ بار کو مالی مشکلات کا سامنا تھا، جس کے باعث ملازمین کو تنخواہوں کی ادائیگی نہیں ہو سکی تھی۔ ذرائع کے مطابق 5کروڑ روپے کی گرانٹ سے لاہور ہائیکورٹ بار کے مالی مسائل کے حل میں مدد ملے گی۔