ستھرا پنجاب اتھارٹی 41 اضلاع میں صفائی کے لئے استعمال ہونے والی قیمتی مشینری گاڑیاں کھٹارہ

ملتان (سٹی رپورٹر) ستھرا پنجاب اتھارٹی صوبے کے 41 اضلاع صفائی کے لئے استعمال ہونے والی اربوں روپے مالیت کی مشینری اور گاڑیاں ناکارہ ہونے کا انکشاف ہوا ہے ۔ملتان سمیت دیگر اضلاع کی ستھرا پنجاب ایجنسیوں نے نئی مشینری اورگاڑیوں کی ڈیمانڈ کردی ہے ۔ ذرائع کے مطابق ستھرا پنجاب اتھارٹی کی اربوں روپے مالیت کی صفائی کے لئے استعمال ہونے والی مشینری اور گاڑیاں ناکارہ ہونے کا انکشاف ہوا ہے ۔اس ضمن میں پنجاب کی تمام ستھرا پنجاب ایجنسیوں نے رپورٹ ستھرا پنجاب اتھارٹی کو دی ہے۔ ستھرا پنجاب اتھارٹی ملتان کی 60 فیصد گاڑیاں ٹریکٹر ٹرالی ڈمپر دیگر گاڑیاں ورکشاپ میں کھڑی کردی گئی ہیں۔ اسی طرح راولپنڈی، لاہور، فیصل آباد، ڈیرہ غازی خان سمیت 41 اضلاع میں صفائی آپریشن میں استعمال ہونے والی 50 فیصد مشینری اور گاڑیاں ناکارہ ہیں جس کی وجہ سے صوبے بھر کے مختلف اضلاع میں صفائی کے بارے میں عوامی حلقوں کی جانب سے شکایات موصول ہورہی ہیں۔ ستھرا پنجاب ایجنسی ملتان میں ٹھیکیدار کمپنی ایس اے انٹر پرائزز نے سوا ارب کی مشینری کھٹارہ کرکے ورکشاپ کھڑی کردی ہے۔ ذرائع کے مطابق صوبے بھر میں ستھرا پنجاب اتھارٹی نے پنجاب حکومت سے دس ارب روپے نئی مشینری اور گاڑیوں کیلئے بجٹ طلب کیا ہے۔
مشینری کھٹارہ