کراچی(آئی این پی ) سکیورٹیز اینڈ ایکسچینج کمیشن آف پاکستان (ایس ای سی پی) نے مائیکرو انٹرپرائزز اور ہائوسنگ قرضوں کی حد 50لاکھ روپے کرنے کی تجویز دیدی۔ایس ای سی پی کے اعلامیہ کے مطابق مجوزہ ترامیم شراکت داروں کی مشاورت کیلئے جاری کردی گئی ہیں، جن میں مائیکرو فنانس قرض کے لئے سالانہ آمدن کی حد 12 لاکھ سے بڑھا کر 15 لاکھ روپے کرنے کی تجویز شامل ہے۔اسی طرح چھوٹے کاروباروں کیلئے سالانہ ٹرن اوور کی حد 3 کروڑ روپے سے بڑھا کر 40کروڑ روپے کرنے کی تجویز دی گئی ہے۔ علاوہ ازیں درمیانے کاروباروں کیلئے سالانہ ٹرن اوور کی حد 40 کروڑ روپے سے بڑھا کر 2 ارب روپے کرنے کی تجویز دی گئی ہے۔ ایس ای سی پی کے مطابق ایس ایم ایز کے لئے تجویز کردہ حدود اسٹیٹ بینک کی حالیہ تبدیلیوں سے ہم آہنگ ہیں۔
