ویسٹ انڈیز بنگالیوں کے ہاتھوں پٹ گیا

پروویڈنس(سپورٹس ڈ یسک ) بنگلہ دیش نے ویسٹ انڈیزکو پہلے ون ڈے میں48رنزسے ہراکر3میچزکی سیریز میں 1-0 کی برتری حاصل کرلی۔ ویسٹ انڈین ٹیم280رنزکے تعاقب میںمقررہ اوورز میں 9 وکٹوں پر231 رنز بناسکی۔ مشرفی مرتضیٰ نے عمدہ باﺅلنگ کامظاہرہ کرتے ہوئے 4کھلاڑیوں کوپویلین بھیجا۔ تمیم اقبال کو 130رنزکی عمدہ اننگزکھیلنے پر میچ کابہترین پلیئرقراردیا گیا۔پروویڈنس میں کھیلے گئے میچ میں بنگلہ دیشی ٹیم نے 4وکٹوں کے نقصان پر 279رنز بورڈ پر سجائے۔تمیم اقبال اورشکیب الحسن کے درمیان دوسری وکٹ کی شراکت میں207رنزبنے۔شکیب الحسن 97رنزبناکرآﺅٹ ہوئے۔تمیم اقبال 130رنزکیساتھ ناٹ آﺅٹ رہے۔جواب میں ویسٹ انڈیزکی ٹیم ہدف کے تعاقب میں ناکام رہی اورمقررہ 50اوورزمیں9وکٹوں پر231رنزہی بناپائی۔ہیٹمائرنے 52رنزبنائے۔کرس گیل 40رنزبناکرآﺅٹ ہوئے۔مشرفی مرتضیٰ نے شاندار باﺅلنگ کامظاہرہ کرتے ہوئے4کھلاڑی آﺅٹ کیے ۔ مستفیض نے2کھلاڑیوں کوپویلین کی راہ دکھائی۔بنگلہ دیش کو 3میچزکی سیریزمیں 1-0کی برتری حاصل ہے۔