کولمبو(آئی این پی) سری لنکا نے ہیراتھ کی تباہ کن باﺅلنگ کے باعث دوسرے ٹیسٹ میں جنوبی افریقہ کو 199رنز سے شکست دیکر 2میچوں کی سیریز میں کلین سویپ کر دیا۔جنوبی افریقہ کی ٹیم490رنز ہدف کے تعاقب میںاپنی دوسری اننگز میں290رنز بنا کر آﺅٹ ہوگئی۔جنوبی افریقہ کی جانب سے تھیونس ڈی براﺅن101، ٹیمبا باووما63اور ڈین ایلگر 37 رنز بنا کر نمایاں بلے باز رہے ۔سری لنکا کی جانب سے دوسری اننگز میں رنگنا ہیراتھ نے6، دانن جایا اور پریرا نے 2، 2 کھلاڑیوں کو آﺅٹ کیا۔سری لنکا کے کارونارتنے کو مین آف دی میچ اور مین آف دی سیریز کا ایوارڈ دیا گیا۔پیر کو کولمبو ٹیسٹ کے چوتھے روز مہمان جنوبی افریقہ نے490رنز ہدف کے تعاقب میں 5وکٹوں کے نقصان پر 139اپنی دوسری نامکمل اننگز شروع کی تو جنوبی افریقہ کی چھٹی وکٹ 236رنز پر گری جب ٹیمبا باووما63رنز بنا کر ہیراتھ کی گیند پر کلین بولڈ ہے گئے۔مجموعی سکور میں10رنز اضافے کے بعد246رنز پر ڈی کوک بھی ہیراتھ کی گیند پر ایل بی ڈبلیو ہو گئے۔دوسری اننگز میں جنوبی افریقہ بلے باز ہیراتھ کا جم کر مقابلہ نہ کر سکے اور پوری ٹیم290رنز پر پویلین لوٹ گئی۔جنوبی افریقہ کی جانب سے تھیونس ڈی براﺅن101، ٹیمبا باووما63اور ڈین ایلگر 37 رنز بنا کر نمایاں بلے باز رہے ، جبکہ ایڈن مرکرم 14، ہاشم آملہ 6، کپتان فاف ڈوپلیسی 7اور مہاراج بغیر کوئی رن بناکر آﺅٹ ہوئے،سری لنکا کی جانب سے دوسری اننگز میں رنگنا ہیراتھ نے6، دانن جایا اور پریرا نے 2، 2 کھلاڑیوں کو آﺅٹ کیا۔سری لنکا کے کارونارتنے کو مین آف دی میچ اور مین آف دی سیریز کا ایوارڈ دیا گیا۔واضح رہے کہ کولمبو ٹیسٹ میں سری لنکا نے ٹاس جیت کر پہلے بیٹنگ کا فیصلہ کیا تھا اور پہلی اننگز میں338 رنز بنائے تھے جس کے جواب میں جنوبی افریقہ کی ٹیم اپنی پہلی اننگز میں124رنز ہی بنا سکی تھی ،پھر سری لنکا نے اپنی دوسری اننگز5وکٹوں پر275رنز پر ڈکلیئر کر دی تھی اور جنوبی افریقہ کو جیت کیلئے490رنز کا ہدف دیا تھا۔
