ایشین گیمز فٹبال ڈراز کا اعلان پاکستان گروپ ڈی میں شامل

جکارتہ(سپورٹس ڈ یسک ) ایشین گیمز 2018ءکے فٹبال ڈراز کادوبارہ اعلان کر دیا گیا ۔فلسطین اوریواے ای کی شمولیت کے بعدمیگا ایونٹ میں ٹیموں کی تعداد بڑھ کر 26 ہو گئی ۔ پاکستان گروپ ڈی میں جاپان ، ویت نام اورنیپال کے ہمراہ شامل ہے۔فٹبال میچز کا آغاز گیمز سے قبل 10 اگست کوہوگا جبکہ فائنل یکم ستمبر کو شیڈول ہے۔ایشین گیمزکی افتتاحی تقریب 18اگست کو سجے گی۔تفصیلات کے مطابق گیمزکے فٹبال ڈرازکااعلان 5جولائی کو کیا گیا تھا مگر انتظامیہ کی غلطی کے باعث فلسطین اوریواے ای کانام خارج کردیا گیا جس کے بعد اب دوبارہ ری ڈرازکے ذریعے گروپس فائنل کیے گئے۔26ٹیموں کو چھے گروپس میں تقسیم کیا گیا ہے۔گروپ اے اورای میں5جبکہ بی،سی ،ڈی اورایف میں4،4ٹیمیں شامل ہیں۔میزبان انڈونیشیا کوگروپ اے میںہانگ کانگ،لاﺅس،چائینزتائپے اورفلسطین کے ساتھ جگہ ملی۔گروپ بی میںتھائی لینڈ،ازبکستان،بنگلہ دیش اورقطر،گروپ سی میںعراق،چین ،ایسٹ تیمور اور شام ، گروپ ڈی میں جاپان،ویت نام ،پاکستان اورنیپال ، گروپ ای میںدفاعی چمپئن جنوبی کوریا،کر غستا ن ، ملائیشیا،بحرین ،یواے ای جبکہ گروپ ایف میں شمالی کوریا،سعودی عرب،ایران اورمیانمارشامل ہیں۔ہرگروپ کی ٹاپ2ٹیموں کے ساتھ تیسرے نمبرپررہنے والی 4بہترین ٹیمیں پری کوارٹرفائنل کےلئے کوالیفائی کریں گی۔