لاہور (شوبزڈیسک) پاکستان کے نامورقوال اور بالی ووڈ فلموں کیلئے موسیقی دینے کیلئے معروف گلور کار راحت فتح علی اپنے چچا نصرت فتح علی خان کو یاد کرتے ہوئے بتاتے ہیں کہ وہ بہت غصے والے تھے، پرسکون رہتے تھے لیکن تبھی تک جب تک کوئی غلطی نہیں ہوتی تھی۔ مجھے بھی انہوں نے ڈانٹا اور ایک ڈانٹ تو آج بھی یاد ہے۔معروف گلوکار نے ایک انٹرویو میں کہا کہ نصرت فتح علی خان بہت غصیلے تھے لیکن درست سر، لے ، تال انہیں پرسکون رکھتے تھے۔ وہ گائیکی کیلئے اتنے حساس تھے کہ ان کے سامنے گانا تو دور کوئی منہ بھی نہیں کھولتا تھا لیکن اگر ان کا ڈر تھا تو ان کے گانے کی عزت بھی اتنی ہی تھی اور ہے۔ ایک بار ہارمونیم کے ریاض میں مجھ سے ایک حرکت نہیں لگ رہی تھی، وہ ڈانٹ مجھے آج بھی یاد ہے۔
