لاہور(شوبزڈیسک) سٹیج ڈرامہ ”چلو عشق لڑائیں“میںاداکارہ فیا خان کی شاندار پرفارمنس نے حاضرین کے دل موہ لیے۔ اداکارہ فیا خان اس میں بہترین اداکاری کے ساتھ ساتھ شاندار رقص کا بھی مظاہر ہ کررہی ہیں جسے عوام بہت پسند کررہی ہے۔ اداکارہ نے بتایاکہ میں خوش ہوں کہ محفل تھیٹر جیسے بڑے تھیٹر میں مجھے پذیرائی مل رہی ہے میں نے اس ڈرامہ میں اپنے سینئرز سے بہت کچھ سیکھا ہے اور آئندہ بھی سینئرز کی عزت واحترام کرتی رہوں گی۔ انہوںنے کہا کہ سٹیج پرکامیابی کے لیے میں نے کوئی بھی شارٹ کٹ نہیں مار ا،بلکہ اپنی محنت اور لگن سے اس مقام پر پہنچی ہوں اب عوام کے لیے ہمیں بہت کچھ نیا کرنا ہے اگر ہم انہیں روایتی رقص ہی دیکھا ئیں گے تو وہ پھر ڈراموں کو دیکھنے نہیں آئیں گے۔پاکستان میں سٹیج انڈسٹری بزنس کے لحاظ سے بہتر ہے اگر موضوعات بھی مزید اچھے ہوجائیں تو یہ ڈرامے دوبارہ عروج حاصل کرسکتے ہیں۔
