مثبت کرکٹ کھیل کرہندوستان کوقابوکرینگے،امام الحق

دبئی(نیوزایجنسیاں) اوپنر امام الحق ایشیا کپ میں پاکستان کے لیے جارحانہ کھیل سے حریفوں پر دھاک بٹھانے کے خواہاں ہیں۔ پاک بھارت میچ میں دونوں ٹیموں کے اعصاب کا امتحان ہوتا ہے ۔اوپنر نے کہا کہ ویرات کوہلی کے نہ ہونے سے فرق تو پڑے گا لیکن ان کی غیرموجودگی میں بھی بھارتی بیٹنگ لائن خاصی مضبوط ہے،اگرچہ پاکستان ٹیم کئی برس سے یواے ای میں کھیل رہی ہے لیکن بھارت کیلیے بھی پچز اور کنڈیشنز نئی نہیں ہیں، انھوں نے کہا کہ چیمپئنز ٹرافی سے ہی گرین شرٹس کو جارحانہ کرکٹ کا سبق پڑھایا گیا ہے، ہم اعصاب پر قابو رکھتے ہوئے مثبت کرکٹ کھیل کر کامیابی حاصل کرنے کی کوشش کریں گے۔امام الحق نے کہا کہ میں نفسیاتی برتری جیسی باتوں پر یقین نہیں رکھتا،پاک بھارت مقابلہ ہوتو ماضی کی ہار جیت سے قطع نظر اعصاب کی جنگ ہوتی ہے، میچ کے دن بہتر کھیل پیش کرنے والی ٹیم ہی کامیاب ہوگی۔