دبئی(ویب ڈیسک)ایشیا کپ کا سب سے بڑا ٹاکرا پاکستان اور بھارت کے مابین ہو گا ،دونوں ٹیموں کے کھلاڑی اس بڑے میچ میں بہترین کارکردگی دکھانے کے لئے پر عزم ہیں ،ایسے میں پاکستان کے فاسٹ باو¿لر عثمان خان نے میچ سے پہلے ہی ایسا بیان دے دیا ہے کہ بھارتی کھلاڑیوں کی رات کی نیند ہی اڑا دی ہے ،یاد رہے کہ عثمان خان شنواری نے ہانگ کانگ کے خلاف 19رنز دیکر تین کھلاڑیوں کو آو¿ٹ کیا تھا اور انہوں نے یہ تینوں وکٹیں ایک ہی اوور میں حاصل کی تھیں۔ پاکستان آج(بدھ کے روز) متحدہ عرب امارات میں جاری ایشیا کپ میں بھارت سے ٹکرائے گا ،ہانگ کانگ میچ کے ہیرو پاکستانی فاسٹ باو¿لر عثمان خان شنواری نے کہا ہے کہ وہ ہانگ کانگ کے خلاف تین وکٹ لینے میں کامیاب رہے تھے اورہندوستان کے خلاف ان کی پانچ وکٹ حاصل کرنے کی کوشش ہوگی۔واضح رہے کہ ہانگ کانگ کے خلاف میچ میں فیلڈنگ کے دوران ان کے پاو¿ں پرچوٹ لگ گئی تھی، جس کی وجہ سے انہیں میدان کے باہرجانا پڑا تھا۔ انہوں نے کہا پیرمیں چوٹ لگنے سے خون بہہ رہا تھا، اب میں ٹھیک اورپوری طرح سے فٹ ہوں، ہماری باو¿لنگ شاندارہے اورہم بھارت کے خلاف بھی بہترین باو¿لنگ کرنے کی کوشش کریں گے۔ انہوں نے کہا کہ ہم لاہورمیں پریکٹس کرکے آئے ہیں اور دبئی میں بھی اچھی پریکٹس کی ہے، اس لئے ہم پوری طرح سے فٹ ہیں،میں نے انڈین ٹیم کو بھی پریکٹس کرتے ہوئے دیکھا ہے، اس لحاظ سے میچ اچھا ہونے کی امید ہے۔عثمان خان شنواری کا کہنا تھا کہ جو بھی کھلاڑی ہندوستان کے خلاف میچ میں اچھی کارکردگی پیش کرتا ہے، اس کا کیریئربن جاتا ہے، اس لئے ہرکھلاڑی اس میچ میں بہتر سے بہترکارکردگی پیش کرنے کی کوشش کرتا ہے، میرا مشن ہے کہ میں ہندوستان کے خلاف 5 وکٹ حاصل کروں۔
