بھارت نے بنگلادیش کو ہرا کر ایشیا کرکٹ کپ جیت لیا

دبئی(مانیٹرنگ ڈیسک) بھارت نے سنسنی خیز مقابلے کے بعد بنگلادیش کو ہرا کر ایشیا کرکٹ کپ کا ٹائٹل اپنے نام کرلیا۔بھارت نے 31 اوورز کے اختتام پر 137 رنز بنالیے ہیں اور اس کے 4 کھلاڑی آٹ ہوئے ہیں، 83 پر تین وکٹیں گرنے کے بعد تجربہ کار بیٹسمین مہندرسنگھ دھونی اور دنیش کارتک نے ذمہ دارانہ بیٹنگ کرتے ہوئے 54 رنز کی شراکت داری قائم کی تاہم 137 کے مجموعے پر کارتک 37 رنز بناکر محموداللہ کا شکار بن گئے۔اس سے قبل اوپنر شیکھر دھون 15، روہت شرما 48 اور رائیڈو 2 رنز بنا کر پویلین لوٹے۔ دبئی کے انٹرنیشنل کرکٹ اسٹیڈیم میں کھیلے جارہے ایونٹ کے فیصلہ کن معرے میں بھارتی کپتان روہت شرما نے ٹاس جیتا اور بنگلادیش کو پہلے بیٹنگ کرنے کی دعوت دی تھی۔اوپنرز نے پراعتماد انداز میں بیٹنگ کرتے ہوئے اچھا آغاز فراہم کیا اور 120 رنز کی اہم شراکت داری قائم کی تاہم پہلی وکٹ گرتے ہی بنگال ٹائیگرز کی بیٹنگ لائن لڑکھڑا گئی اور 31 رنز کے اضافے سے 4 مستند بلے باز پویلین لوٹ گئے۔ مہدی حسن معراج 32، امرالقیس 2، مشفق الرحیم 5، محمد متھن 2 اور محمود اللہ صرف 4 رنز بنا کر چلتے بنے۔ بنگلادیش کو چھٹا جھٹکا اس وقت لگا جب شاندار سنچری بنانے والے اوپنر لیتن داس 121 رنز بناکر کیچ آٹ ہوئے، انہوں نے 12 چوکے اور 2 چھکے مارے۔کپتان مشرفی مرتضی 7 رنز بنا کر 196 کے مجموعے پر چلتے بنے جب کہ نظم الحسن 7،سومیا سرکار 33 اور روبیل حسین صفر پر آٹ ہوئے۔بنگلادیش کی پوری ٹیم 49 ویں اوورز میں 222 رنز پر آٹ ہوگئی۔ بھارت کی جانب سے کلدیپ یادیوو نے سب سے زیادہ 3 وکٹیں حاصل کیں جب کہ جادیو نے 2 کھلاڑیوں کو پویلین کی راہ دکھائی،بمراہ اور کمار کے حصے میں ایک ایک وکٹ آئی۔