ملتان (اے این این ) ملتان کے صوبائی حلقہ پی پی 217 سے شاہ محمود قریشی کو شکست دینے والے نوجوان سیاستدان سلمان نعیم کو الیکشن کمیشن نے نااہل قرار دیدیا، سلمان نعیم کی کامیابی کا نوٹیفکیشن واپس لینے کا حکم۔ پیر کو الیکشن کمیشن نے پی پی 217 ملتان سے کامیاب امیدوار سلمان نعیم قریشی کےخلاف درخواست پرمحفوظ فیصلہ سناتے ہوئے سلمان نعیم کو کم عمری کی بنیاد پر نااہل قرار دیدیا ۔ الیکشن کمیشن فیصلے کے مطابق سلمان نعیم کی عمر نادرا ریکارڈ کے مطابق 25 سال سے کم ہے ،، الیکشن کمیشن نے سلمان کی کامیابی کا نوٹیفکیشن واپس کرتے ہوئے پی پی 217 کے الیکشن کو کالعدم قراردیدیا اور حلقے میں دوبارہ انتخابات کروانے کا حکم دیا ہے۔، واضح رہے کہ سلمان نعیم نے آزاد حیثیت سے الیکشن میں حصہ لیکر شاہ محمود قریشی کو شکست سے دوچار کردیا تھا ،، تاہم بعد میں سلمان نعیم تحریک انصاف میں شامل ہوگئے ، شاہ محمود قریشی اپنی شکست کو بھول نہ پائے اور وہ سلمان نعیم کےخلاف الیکشن کمیشن کو دی جانیوالی درخواست میں فریق بن گئے، انکی طرف دی جانیوالی درخواست میں موقف اختیار کیا گیا تھا کہ سلمان نعیم نے اپنی عمرکے حوالے سے جھوٹ بولا اور پرانے پاسپورٹ پر 6 ممالک کے دورے بھی کئے ، جس پر الیکشن کمیشن نے سلمان نعیم کو نااہل کرنے کا حکم دیدیا ۔ واضح رہے کہ گذشتہ سماعت پر درخواست گزار نوید انجم کے ووکلا نے کمیشن میں دلائل دیتے ہوئے کہاکہ حلقے سے کامیاب ہونے والے محمد سلمان کے تعلیمی ریکار میں نام محمد سلمان نعیم تھا اور تاریخ پیدائش28جنوری 1994تھی تاہم انتخابات میں حصہ لینے کےلئے عمر کم ہونے کی وجہ سے انہوںنے تاریخ پیدائش میں تبدیلی کرکے یکم فروری 1993کردیا تھا اور اسی تاریخ پیدائش کے ساتھ نیا شناختی کارڈ بنوایا انہوں نے کہاکہ اسی طرح پہلے نام محمد سلمان نعیم تھا جسے بعد میں محمد سلمان کردیا گیا تاہم نام کی تبدیلی کے بارے میں کسی قسم کی درخواست نہیں کی گئی اور نادرہ حکام کی ملی بھگت سے تاریخ پیدائش میں تبدیلی کرنے کے ساتھ ساتھ اپنا پران شناختی کارڈ بھی جمع نہیں کرایا گیا انہوںنے مذید کہاکہ محمد سلمان نعیم کے نام پر انہوں نے 2018تک عمرہ سمیت غیرملکی سفر بھی کئے اور اپنے پاسپورٹ کو تبدیل نہیں کیا ہے اسی طرح ایک گاڑی بھی کاغذات نامزدگی میں ظاہر نہیں کی ہے انہوں نے الیکشن کمیشن سے استدعا کی کہ انتخابات کےلئے اپنے عمر میں اضافہ کرنے کے سلسلے میں غلط بیانی پر انہیں نااہل قرار دیا جائے اس موقع پر تحریک انصاف کے امیدوار محمد سلمان کے وکیل نے دلائل دیتے ہوئے کہاکہ میرے موکل نے کسی قسم کی غلط بیانی نہیں کی ہے اور نہ ہی ان کے خلاف کسی قسم کے کریمنل کیسز رجسٹرڈ ہیں جس کےلئے انہوںنے نام یا عمر تبدیل کی ہو انہوںنے کہاکہ یونین کونسل کے ریکارڈ میں یکم فروری 1993لکھی ہوئی تھی جبکہ سکول ریکارڈ میں 28جنوری1994لکھی گئی تھی جسے درست کیا گیا ہے انہوںنے کہاکہ میرے موکل کا پاسپورٹ 2015بنا تھا جس پر کئی ممالک کے ویزے لگے ہوئے تھے اور اس کی معیاد2020تک تھی تاہم اب صوبائی اسمبلی کی جانب سے سرکاری پاسپورٹ جاری ہونے کے لئے اپنا پرانا پاسپورٹ جمع کرکے نیا پاسپورٹ حاصل کیا ہے الیکشن کمیشن نے محفوظ فیصلہ سناتے ہوئے محمد سلمان کو نااہل قرار دیکر حلقے میں دوبارہ پولنگ کا حکم جاری کردیا ہے۔
