ممبئی (شوبزڈیسک) بالی وڈ اداکار ارجن کپور اور ملائیکہ اروڑا کے گھر خریدنے کا نکشاف ہوا ہے۔ بھارتی ذرائع ابلاغ کے مطابق اداکار ارجن کپور اور ملائیکہ اروڑا گزشتہ چند عرصے سے شادی کے حوالے سے خبروں کی زینت بنے ہوئے ہیں اور اطلاعات ہیں کہ دونوں نے مشترکہ طور پر لوکھنڈوالا کے قریب سوسائٹی میں ایک فلیٹ خریدا ہے جس کے انٹیرئر کا کام زوروشور سے جاری ہے۔ واضح رہے کہ ارجن کپور حال ہی میں فلم ساز کرن جوہر کے ٹاک شو ”کافی ود کرن 6“ میں اپنے کسی سے تعلق کا اعتراف کر چکے ہیں۔ ارجن اور ملائیکہ شادی کرنا چاہتے ہیں۔یاد رہے کہ ملائیکہ اروڑا سلمان خان کے بھائی ارباز خان کی 22 سال بیوی رہ چکی ہیں۔ان کے بچے بھی ہیں جبکہ انیل کپور کے بھتیجے ارجن ابھی کنوارے اور ان سے کافی چھوٹے ہیں۔
