ممبئی (شوبزڈیسک) بالی وڈ اداکار سلمان خان کے والد و سکرین رائٹر سلیم خان کو انٹرنیشنل فلم فیسٹیول آف انڈیا میں خصوصی ایوارڈ سے نوازا جائے گا۔ بھارتی ذرائع ابلاغ کے مطابق انٹرنیشنل فلم فیسٹیول آف انڈیا کا آغاز 20نومبر کو ہوا جس کی اختتامی تقریب آج ہو گی جس میں اداکار سلمان خان کے والد و سکرین رائٹر سلیم خان کو ان کی فلم انڈسٹری میں خدمات کے اعتراف میں خصوصی ایوارڈ سے نوازا جائے گا جبکہ ایوارڈ کے ساتھ انہیں 10لاکھ نقد، سرٹیفیکیٹ اور شال بھی دی جائے گی۔
