پی ایس ایل کے نشریاتی حقوق کی فروخت کا معاملہ تاخیر کا شکار

لاہور(ویب ڈیسک) پاکستان سپر لیگ کے نشریاتی حقوق کی فروخت کا معاملہ تاخیر کا شکار ہوگیا ہے۔بڈز کھولنے کی تاریخ 30 نومبر سے آگے بڑھا کر 7 دسمبر کردی گئی، چیئرمین پی سی بی احسان مانی نے کہا تھا کہ گزشتہ 3 سال کیلیے نشریاتی حقوق 15 ملین ڈالر میں فروخت ہوئے تھے، آئندہ مدت کے لیے 35 ملین ڈالر حاصل کرنا چاہتے ہیں، رقم ملک میں کھیل کے فروغ اور کھلاڑیوں کو سہولیات کی فراہمی کے کام آئے گی۔دوسری جانب پی سی بی کے فرنچائز کے ساتھ مالی معاملات طے نہیں ہوپا رہے، ملتان سلطانز واجبات کی عدم ادائیگی کے سبب اپنی شناخت کھوبیٹھی اور چھٹی ٹیم کے طور پر پی سی بی کی ملکیت بن چکی، اس کو فروخت کرنے کا مرحلہ بھی باقی ہے، دیگر فرنچائزز کی ادائیگیوں کے مسائل بھی درپیش ہیں۔