لاہور (مانیٹرنگ ڈیسک)چینل فائیوکے پروگرام گگلی میں ورلڈکپ 2019ئ کے حوالے سے خصوصی ٹرانسمیشن میں گفتگو کرتے ہوئے اسپورٹس ایکسپرٹ ڈاکٹر ندیم شیرازی نے کہا ہے کہ موجودہ کرکٹ میں 300سے کم اسکور کوئی اسکور نہیں سمجھا جاتا۔دنیائے کرکٹ کے بلے بازوں نے پاور پلے آنے کے بعد نیا انداز اپنایا ہے۔ محسن خان کی کرکٹ ٹیم سے علیحدگی کسی اور پوزیشن پر لانے کے لیے ہے تو یہ الگ صورتحال ہوگی تاہم اگر انہوں نے ناراض ہوکر یا احتجاجاً استعفیٰ دیا ہے تو بات اور طرف چلی جائے گی۔ محسن خان اصول پسند آدمی ہیں انکی بات نہ سنی جائے تو وہ ایسے سسٹم میں نہیں رہنا چاہیں گے۔ سابق فرسٹ کلاس کرکٹر طاہر شاہ کا کہنا تھا کہ سری لنکا کرکٹ ٹیم نے جس گرا?نڈ میں انگلینڈ کے خلاف 232اسکور کیا ہے وہاں اسکور کرنا بہت مشکل ہے۔ پاکستان کرکٹ بورڈ نے بھی کھلاڑیوں کی ایسی کوئی تربیت نہیں کی گئی اور یہاں بھی پی سی بی میں سرکار کی مداخلت ہے۔ پاکستان کرکٹ بورڈ نے کلب کرکٹ سمیت کرکٹ پر مارشل لائ لگایاہوا ہے جوکرکٹ کی تباہی کا سبب ہے۔کرکٹر عبدالحفیظ کا ورلڈ کپ میچ پر بیان دینے کے مجاز نہیں ہیں مگروہ دے رہے ہیں۔ پاکستان کرکٹ ٹیم کی فٹنس یہ ہے کہ پریکٹس کے دوران شعیب ملک سے دوڑ کر گیند نہیں پکڑی گئی۔ پاکستان کی فیلڈنگ بہت کمزور ہے، کھلاڑی کیچ پکڑنا نہیں جانتے۔پاکستان میں کرکٹ کوچز نے ایکدوسرے کے نام رکھے ہوئے ہیں، مدثر نذر کو م±د، ضیا الحق کو جیزی کہا جاتا ہے جو اخلاقی آداب و مذہب کے خلاف ہے۔کرکٹ ٹیم کے کھلاڑی بھی اس پر حیران ہوتے ہیں۔پاکستان کرکٹ ٹیم میں گروپ بندی ہے ، شعیب ملک کو ٹیم سے نہیں نکالا جائے گا، پاکستان ٹیم کو جیتنے سے غرض نہیں پیسا کمانے سے ہے۔محمد حفیظ میرے ہاتھوں کا پلا ہے اسے میڈیا میں آنے کا خبط ہے۔ پاکستان کرکٹ بورڈ نے کھلاڑیوں کو لاڈلے بچوں کی طرح زیادہ پیسہ دیکر بگاڑ دیا۔ پی سی بی واحد ادارہ ہے جو ڈھیروں پیسا ضائع کرتا ہے۔
