کراچی (ویب ڈیسک)کراچی کے علاقوں مراد میمن گوٹھ اور شیدی گوٹھ ملیر میں ٹائیفائیڈ کے 19 کیسز سامنے آگئے۔ہم نیوز کے مطابق ڈائریکٹر جنرل ہیلتھ سندھ ڈاکٹر مسعود سولنگی نے معاملے کی وجوہات جاننے کے لیے ڈاکٹرز کی ٹیم تشکیل دے دی۔ڈاکٹر اشفاق اور ڈاکٹر انعم کی سربراہی میں ٹیم معاملے کی تحقیقات کرکے پیر کو رپورٹ جمع کروائے گی۔ڈاکٹر مسعود سولنگی نے کہا کہ جمعہ کے روز 26 بچے تیز بخار کے باعث اسپتال میں داخل ہوئے تھے جن میں سے 19 میں ٹائیفائیڈ کی تصدیق ہوچکی ہے۔ان کا کہنا تھا کہ گوٹھ کے بچوں میں ٹائیفائید مضر صحت پانی کے استعمال سے پھیلنے کے امکانات ہیں۔انہوں نے مزید کہا کہ ڈاکٹرز کی ٹیم کل جامع رپورٹ پیش کرے گی۔
