لاہور (مانیٹرنگ ڈیسک) ورلڈکپ 2019ءکے حوالے سے چینل فائیو کے خصوصی پروگرام ”دی ورلڈ کپ شو“ میں گفتگو کرتے ہوئے سپورٹس ایکسپرٹ نے کہا ہے کہ افغانستان کو ہرا کر بنگلہ دیش کرکٹ ٹیم سیمی فائنل کی دوڑ میں مضبوط امیدوار کے طور پر سامنے آئی ہے انکے پوائنٹس پاکستان سے زیادہ ہو گئے ہیں۔ افغان کرکٹ ٹیم انٹرنیشنل کرکٹ کا تجربہ نہ ہونے کیوجہ سے میچ ہاری ہے۔ افغانستان کے فاسٹ باﺅلرز پر سوالیہ نشان ہے کہ وہ آﺅٹ وکٹیں نہیں لے پارہے تاہم سپن باﺅلرز میں محمد نبی اور راشدخان بہترین باﺅلنگ کر رہے ہیں۔ افغانستان ٹیم کو ٹاپ آرڈر میں کھلاڑیوں کے اسکور نہ بنا پانے جیسی مشکل کا بھی سامنا ہے ، صرف مڈل آرڈر میں محمد نبی یا حشمت اللہ شاہد ہی اسکور کر پارہے ہیں۔ افغانستان اگربنگلہ دیش سے میچ جیت جاتا تو سیمی فائنل کے امیدوار چار سے کم ہو کر تین رہ جاتے۔ جن میں انگلینڈ ،سری لنکا اور پاکستان شامل ہوتے۔ پاکستان کرکٹ ٹیم میں محمد حسنین کو عماد وسیم کی جگہ چانس دینا ہوگا تاکہ نیوزی لینڈ کو جارحانہ طریقے سے کاﺅنٹر کیا جاسکے۔ پروگرام میں اپنی ماہرانہ رائے دیتے ہوئے سپورٹس ایکسپرٹ عبدالغفار نے کہاکہ بارش کے بعد سری لنکا کے انگلینڈ کو ہرانے کے بعد ورلڈ کپ ٹورنامنٹ کا رخ بالکل تبدیل ہوا ہے۔ بنگلہ دیش آج کا میچ جیتنے کے بعد 7پوائنٹس حاصل کرچکی ہے۔ بنگلہ دیش کرکٹ ٹیم 2015ءکے بعد خطرناک ٹیم بن کر ابھری ہے۔ پاکستان کرکٹ ٹیم کی ساﺅتھ افریقا کیساتھ میچ میں کارکردگی کو دیکھا جائے تو ٹیم اب بھی غلطیاں کر رہی ہے ، کیچز چھوڑے جارہے ہیں۔ حارث سہیل نے اس میچ میں اپنے کیریئر کی بہترین اننگز کھیلی ہیں۔ پاکستان کے پاس چانسز ہیںاور قسمت بھی پاکستان کیساتھ ہے۔ پاکستان کو اگلے تینوں میچز جیتنا ہیں یا انگلینڈ کے اگلے دونوں میچز ہارنے کا انتظار کرنا ہے ۔پاکستان کرکٹ ٹیم کو دوا کیساتھ دعا کی ضرورت ہے۔ پاکستان ٹیم نے اگر انڈیا ، آسٹریلیا یا ویسٹ انڈیز کیخلاف میچ جیتا ہوتا تو آسانی سے سیمی فائنل میں ہوتی۔ پاکستان کو ابھی نیوزی لینڈ جیسی خطرناک ٹیم سے میچ جیتنا ہے ، نیوزی لینڈ کی خطرناک باﺅلنگ سے پاکستانی بیٹنگ لائن کو شدید خطرہ ہے۔ پاکستان کو بہترین کارکردگی کا مظاہر کرنا ہوگا۔ پروگرام میں شریک سابق فرسٹ کلاس کرکٹر طاہر شاہ نے کہا کہ بنگلہ دیش کرکٹ ٹیم کے شکیب الحسن نے ورلڈ کپ میں بہترین کارکردگی کا مظاہرہ کیا ہے۔ سیمی فائنل اب بنگلہ دیش کی گرفت میں ہے۔ بنگلہ دیش کے جیتنے سے پاکستان کی سیمی فائنل تک رسائی مشکل نظر آتی ہے۔ پاکستانی کپتان سرفراز بطور بیٹسمین، وکٹ کیپر اور کپتان بالکل ختم ہو چکے ہیں۔ سرفراز کی ٹیم میں پوزیشن نیچے آنے سے انکی عزت برقرار رہی ورنہ انہیں شدید تنقید کا سامنا ہوتا۔ اسپورٹس ایکسپرٹ ڈاکٹر ندیم شیرازی کا کہنا تھاکہ شکیب الحسن بنگلہ دیش کرکٹ ٹیم کو فرنٹ سے لیڈ کرتے ہوئے بے مثال کردار ادا کر رہے ہیں۔ ون ڈاﺅن کی پوزیشن پر کھیلتے ہوئے شکیب الحسن نے بہترین میچ سنبھالا ، انکے جیسا کھلاڑی اس ورلڈ کپ میں کسی ٹیم کے پاس نہیں ہے۔ پاکستان کرکٹ ٹیم کے کھلاڑی حارث سہیل کی اچھی کارکردگی اب دیگر ٹیموں کے لیے خطرے کی گھنٹی بن گئی ہے۔ پاکستان ٹیم کو اپنی فیلڈنگ بہت بہتر کرنے کی ضرورت ہے کیچز چھوٹنے سے میچ کا پانسا پلٹ سکتا ہے۔ آنیوالے دنوں میں اوپر کی ٹیموں میں انگلینڈ ٹیم سب سے مشکل پوزیشن میں ہے اور نیچے کی ٹیموں میں پاکستان کی پوزیشن شدید مشکلات کا شکار ہے ۔ پاکستان کو اگلے تینوں میچز جیتنا ہوں گے تاکہ سیمی فائنل کی دوڑ میں شامل
