احد رضامیر نے بہترین اداکاری پر بین الاقوامی ایوارڈ اپنے نام کرلیا

امریکا:(ویب ڈیسک)نامور پاکستانی اداکار احد رضامیر کو مقبول ترین تھیٹر ڈرامے ”ہیملیٹ“ میں بہترین اداکاری کرنے پر بیٹی مچل ایوارڈ سے نواز دیا گیا۔احد رضامیر کو شوبز کا حصہ بنے ہوئے زیادہ عرصہ نہیں ہوا لیکن انہوں نے اپنی پرفارمنس سے ثابت کیا ہے کہ وہ بہت باصلاحیت اداکار ہیں۔ احد نا صرف پاکستان میں اپنی صلاحیتوں کا لوہا منوارہے ہیں بلکہ بیرون ملک بھی عمدہ اداکاری کرکے پاکستان کا نام روشن کررہے ہیں۔احد رضامیر کو حال ہی میں ولیم شیکسپیئر کے لکھے ہوئے مقبول ترین ڈرامے”ہیملیٹ، اے گھوسٹ اسٹوری“ میں بہترین پرفارمنس دینے پر بین الاقوامی بیٹی مچل ایوارڈ سے نوازا گیا ہے۔یہ ایوارڈ تھیٹر کے مختلف شعبوں میں اپنے فن اور صلاحیتوں کا لوہا منوانے والے فنکاروں کو دیا جاتا ہے۔ ایوارڈ کا اعلان بیٹی مچل ایوارڈز انتظامیہ نے اپنے ٹوئٹر اکاو¿نٹ پر کیا۔