مسئلہ کشمیر پر چوتھی بار ثالثی کی پیشکش ،ٹرمپ کی جلد وزیراعظم عمران خان،مودی سے ملا قا ت

واشنگٹن (ویب ڈیسک): امریکی صدرڈونلڈ ٹرمپ نے مسئلہ کشمیر پر چوتھی بار ثالثی کی پیشکش کردی اور کہا پاکستان اوربھارت کی قیادت سے جلد بات کریں گے، بات چیت میں مسئلہ کشمیر پر پیشرفت ہوگی۔تفصیلات کے مطابق مسئلہ کشمیر پر پاکستان اوربھارت میں کشیدگی برقرار ہے ، امریکی صدرٹرمپ ایک بار پھر ثالثی کیلئے تیار ہے۔وائٹ ہاو¿س میں میڈیا سے گفتگو میں صدرٹرمپ نے کہا کہ پاکستان اور بھارت کی قیاد ت سے جلد ملاقات کروں گا، امید ہے مسئلہ کشمیر پر ثالثی اور کشیدگی کے خاتمے کیلئے پیشرفت ہوگی۔خیال رہے امریکی صدرنے ثالثی کی پیشکش پہلی بار نہیں کی، اس سے قبل بھی صدر ٹرمپ تین بارپاکستان اوربھارت کے درمیان ثالث کا کردارادا کرنے کی پیش کش کرچکے ہیں۔یاد رہے بائیس جولائی کو وزیراعظم عمران خان سے ملاقات میں امریکی صدر نے مسئلہ کشمیر پر پاکستان بھارت کے مابین ثالثی کی پیش کش کی تھی۔صدرٹرمپ نے یہ انکشاف بھی کیا تھا کہ بھارتی وزیراعظم نریندرمودی کشمیرکے تنازع پرثالثی کی درخواست کی تھی تاہم بھارت میں امریکی صدرکے بیان پرہنگامہ ا?رائی کے بعد مودی سرکارنے صدرٹرمپ کے بیان کی تردید کردی تھی۔