لاہور / اسلام آباد / رسول نگر / اوکاڑہ:(ویب ڈیسک) دریائے ستلج میں پانی کی سطح مسلسل بلند ہو رہی ہے، پانی کا بڑا ریلا آج گنڈا سنگھ والا سے گزر رہا ہے جب کہ بھارت کی طرف سے مزیدپانی نہ چھوڑے جانے کی صورت میں آئندہ 48گھنٹوں کے دوران ہیڈ گنڈا سنگھ والا کے مقام پرپانی کی سطح کم ہوناشروع ہو جائے گی۔منگل کی شام تک دریائے ستلج میں پانی کی سطح ساڑھے 10 فٹ تک جبکہ بہاو? 48 ہزارکیوسک تک پہنچ گیا تھا جس میں مسلسل اضافہ ریکارڈکیاجارہا تھا۔ 20 اور21 اگست کی درمیانی شب پاکستان میں ایک لاکھ کیوسک تک پانی کے داخل ہونے کا امکان ظاہرکیا گیا تھا جس سے یہاں درمیانے درجے کا سیلاب ہے۔ بروقت انتظامات سے بڑے پیمانے پرنقصان کا اندیشہ نہیں ہے۔امدادی کارروائیوں کا سلسلہ جاری ہے۔دریائے راوی میں پانی کی سطح میں کمی ا?ئی ہے،ابھی دریائے راوی پر جسر کے مقام پر پانی 26059 کیوسک ہے جبکہ دریائے راوی کی صلاحیت 30لاکھ کیوسک ہے۔پی ڈی ایم اے حکام کے مطابق دریائے ستلج میں آنے والے پانی میں سے کچھ ہیڈ سلیمانکی اور پنجند کے مقام پر جمع کر لیا جائے گا۔نیشنل ڈیزاسٹر مینجمنٹ اتھارٹی نے آئندہ 24 گھنٹوں کے دوران دریائے ستلج میں سیلاب کے خطرے کی پیشن گوئی کی ہے۔

(ویب ڈیسک)پاک فوج نے لائن آف کنٹرول (ایل او سی) پر بھارتی فوج کی بلااشتعال فائرنگ اور سیز فائر معاہدے کی خلاف ورزیوں کا منہ توڑ جواب دیا جس کے نتیجے میں ایک افسر سمیت 6 بھارتی فوجی ہلاک اور 2 بنکرز تباہ ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق پاک فوج نے ایل او سی کے تتہ پانی سیکٹر میں بھارتی فوج کی اشتعال انگیزی کا منہ توڑ جواب دیا۔آئی ایس پی آر نے بتایا کہ بھارتی فائرنگ کے نتیجے میں سات سالہ بچے سمیت 3 افراد شہید ہوئے تھے جس کے جواب میں پاک آرمی نے بھارتی چیک پوسٹوں کو نشانہ بنایا۔ترجمان پاک فوج کے مطابق پاکستان آرمی کے بھرپور جواب کے نتیجے میں بھارتی فوج کے ایک افسر سمیت 6 اہلکار ہلاک اور متعدد زخمی ہوگئے۔آئی ایس پی آر کے مطابق پاک فوج کی جوابی کارروائی کے نتیجے میں بھارتی فوج کے دو بنکرز بھی تباہ ہوئے۔

لاہور(وقائع نگار) سوشل میڈیا پر موجود قادیانی فتنے کی ایپلی کیشنزحوالے سے عالمی مجلس تحفظ ختم نبوت کے مرکزی ناظم تبلیغ مولانا محمد اسماعیل شجاع آبادی کا کہنا ہے کہ ”ہم بھی کوشش ہوتی ہے مسلمانوں کواس بارے میں آگاہی دیں کہ قادیانی اپنا نام احمدی بھی بتائیں تب بھی یہ وہی قادیانی ہیں جن کو پاکستانی قانون کافر قرار دے چکا ہے۔ اب یہ حیلے بہانوں اور جدید ٹیکنالوجیز سے کام لیتے ہوئے غیر قانونی طورپر گمراہی پھیلانے میں لگے ہوئے ہیں، جبکہ ان کو تبلیغ کرنے کی بالکل اجازت نہیں ہے۔ تاہم میری عام لوگوں سے گزارش ہے کہ مستند اداروں کی بنی ہوئی موبائل ایپلی کیشنز کو ہی فالو کریں اور ضرورت پڑنے پر علمائے کرام سے رائے بھی لے لی جائے۔ مجلس احراراسلام پاکستان کے سیکرٹری جنرل عبداللطیف خالدچیمہ کا کہنا ہے کہ علمائے کرام کو چاہیے کہ وہ دینی جرائد و رسائل سمیت اپنے اپنے بیانات میں قادیانیوں کی اس قسم کی شر انگیزیوں اور وارداتوں سے عام مسلمانوں کو آگاہ کریں، تاکہ جدید دور کی سہولیات سے استفادہ کرنے والے مسلمان ان کی کسی چال میں نہ آسکیں۔مبلغ ختم نبوت لاہور مولانا عبدالنعیم کا کہنا ہے کہ پہلے تو ایسے معاملات کو ٹیکنیکل طور پر لیا جائے اور متعلقہ اداروں تک رسائی اور اس کے بعد قانونی طریقہ کار کے ذریعے عدالت میں جایا جائے اور عدالتوں سے ان چیزوں کو بند کرایا جائے، تاکہ قانونی چارہ کی جاسکے۔ امیرمجلس لاہور شیخ الحدیث مولانا مفتی محمدحسن کا کہنا ہے کہ قادیانی خود کو احمدی کہہ کر غلط تاثر پھیلا رہے ہیں۔ قادیانی، مرزائی اور احمدی ایک ہی ہیں۔ چونکہ ان کو پاکستانی قانون کے مطابق قادیانیت کی تبلیغ کرنا منع ہے، اس لئے یہ نئے ناموں اور مبہم معلومات کا سہارا لے کر ایسی حرکات کر رہے ہیں، جس سے عام مسلمانوں کو دور رہنا چاہیے۔ جے یو آئی لاہور کے امیر شیخ الحدیث مولانامحب النبی کا کہنا ہے کہ قادیانیوں کی جانب سے ٹیکنالوجی کا سہارا لے کر مذموم مقاصد کے حصول کی کوشش کی جارہی ہے۔ جبکہ فرزندان ختم نبوت اس محاذ پر ان کے مقابلے میں ختم نبوت کے دفاع میں موبائل ایپلی کیشن سمیت دیگر کتب لانے کا ارادہ رکھتی ہے اور لٹریچر کی طرح اس کو بھی مفت عام کر رہی ہے۔

لاہور(رپورٹ:حسنین اخلاق)قادیانیوں نے سادہ لوح مسلمانوں کو گمراہ کرنے کیلئے تحریف شدہ قرآن کریم و ترجمہ سمیت دیگر مذہبی معلومات اور عقائد سے متعلق موبائل ایپس بنا لیں۔ایپل آئی ٹیونز اور گوگل پلے اسٹورز میں موجود اکثر قرآن کریم، تراجم،تفاسیر، وظائف، اسلامی معلومات، دعائیں، نماز اورذکر سمیت اسلام سے متعلق ایپلی کیشن سرچ کرنے پر قادیانیوں کی جانب سے بنائی گئی من گھڑت ایپلی کیشنز سامنے آجاتی ہیں۔قادیانی تعلیمی بورڈ کے تیار کردہ ٹیکنالوجی ایکسپرٹ شر انگیزی پھیلانے کیلئے سوشل میڈیا پر سرگرم، مرزائی فتنے کی اس خطرناک سازش سے تمام مسلمانوں ، خصوصاً نوجوان نسل کو خبردار کرنا ضروری ہے۔قوانین کے مطابق قرآن مجید کی اشاعت کے لیے مقرر کردہ پروف ریڈرز سے متن کی منظوری ضروری ہے مگر متعلقہ اداروں نے چپ سادھ لی۔تفصیلات کے مطابق دنیا بھر میں سمارٹ فون کی غیر معمولی مقبولیت اور موبائل ایپلی کیشنز کی بھر مار کے پیش نظر مرزائی گروپ اب نئے جوش و خروش سے اپنے دروغ گو پیشوا کی تحریف کردہ کتاب کو دنیا بھر میں پھیلانے میں مصروف ہے اس مقصد کے لئے اس نسخے اور اس کے انگریزی ترجمے پر مشتمل موبائل ایپلی کیشنز تیار کروائی گئی ہیں۔مرزائی ٹولے کی آفیشل ویب سائٹwww.alislam.orgکی جانب سے پیش کردہ ’’دی ہولی قرآن ،عریبک ٹیکسٹ اینڈ انگلش ٹرانسلیشن‘‘کے نام سے موجود ایپلی کیشن کی دو اقسام تیار کی گئی ہیں ، ان میں سے ایک ایپل کمپنی کے آئی فون میں استعمال کے لئے ہے جو اِس کمپنی کے ایپ سٹور’’ آئی ٹیونز‘‘ پر موجود ہے ، جبکہ اینڈرائیڈ فون سیٹ پر اِستعمال کے لئے گوگل پلے نامی ایپ اسٹو پر بھی دستیاب ہے ، سب سے خاص بات یہ ہے کہ یہ خاصی بھاری بھر کم ایپلی کیشن بالکل مفت ڈاؤن لوڈ کی جاسکتی ہے ، اور ایک بار ڈاؤن لوڈ کرنے بعد اسے پڑھنے کے لئے انٹر نیٹ کنکشن کی ضرورت نہیں رہتی ، آئی فون کے علاوہ یہ اسی کمپنی کے ٹیبلٹ آئی پیڈ اور پورٹیبل میوزک گیجٹ آ ئی پوڈپر بھی بآسانی استعمال کیا جاسکتا ہے۔پلے اسٹور میں اس وقت درجنوں قادیانیوں کی اپیلی کیشن موجود ہیں، جن میں ’’احمدیہ آسک‘‘کے نام سے ایک موبائل ایپلی کیشن بنائی گئی ہے، جس پر عوام کو متوجہ کرنے کیلئے لکھا گیا ہے کہ مخالفین کی جانب سے کئے گئے اعتراضات کا جواب حاصل کریں۔ مکتبہ احمدیہ مسلم کے نام سے ایک ایپلی کیشن بنائی گئی، جس میں سیکڑوں کتابیں موجود ہیں۔ احمدیہ ملٹی میڈیا کے نام سے بھی ایک ایپ ہے، جس میں قادیانیت کی ترویج کی جا رہی ہے۔ نظم کے نام سے ایک ایپلی کیشن کے ذریعے نام نہاد شعراجن میںکلام طاہر، بخار دل سمیت دیگر سینکڑوں قادیانیوں کی نظمیں شامل کی گئی ہیں۔ روزنامہ الفضل نامی ایک ایپلی کیشن کے ذریعہ ایک میگزین چلایا جارہا ہے، جس میں قادیانیت کی تبلیغ کی جارہی ہے۔ بیعت کی 10 شرائط کے نام سے ایک موبائل ایپلی کیشن کے ذریعے بھی قادیانیت کی دھڑلے سے تبلیغ کی جا رہی ہے۔ قادیانیوں کی جانب سے اب مسلمانوں کو سوشل میڈیا کے ذریعے گمراہ کرنے کے لیے خود کو احمدیہ مسلمان لکھا جاتا ہے۔ماہرین کا کہنا ہے کہ مستند اداروں اور جید علمائے کرام سے تصدیق شدہ موبائل ایپس کو ہی ترجمہ و مسائل کی آگاہی کیلئے استعمال کیا جائے اور قادیانیوں کی جاری کردہ ایپس کو فوری رپورٹ کیا جائے تاکہ گوگل انہیں بند کرے۔ ایسی کسی بھی موبائل ایپلی کیشن کو ڈائون لوڈ کرنے کے بجائے اس ایپ کے آپشن میں کلک کر کے برائوزر کو سب سے نیچے لے جا کر’’ان ایپ روپری ایٹ فلیگ‘‘ پر کلک کیا جائے، جس کے بعد 7 مختلف آپشن دیئے جاتے ہیں۔ ان میں سے 7 ویں آپشن پر کلک کرنے کے بعد وہاں پر اپنا احتجاج ریکارڈ کراتے ہوئے اس کو بند کرنے کی ڈیمانڈ کی جائے۔ اس کے بعد اس کے کمنٹس کے آپشن میں دیگر سادہ لوح مسلمانوں کو آگاہ بھی کیا جاسکتا ہے تاکہ وہ ان سے بچ

اسلام آباد (ویب ڈیسک) سلامتی کونسل اجلاس میں بھارت کی حمایت کرنے والا واحد ملک فرانس بھی اب مودی کیخلاف ہوگیا، وزیر خارجہ شاہ محمود قریشی کا فرانسیسی ہم منصب سے رابطہ، فرانسیسی وزیرخارجہ کا مقبوضہ کشمیر کی صورتحال پر اظہار تشویش، افغان امن عمل میں پاکستان کے کردار کی بھرپور تعریف، مودی کے دورہ فرانس کے دوران کشمیر سے متعلق بات کرنے کی یقین دہانی کروا دی۔تفصیلات کے مطابق پاکستان کی جانب سے مقبوضہ کشمیر کے موجودہ بحران کے پیش نظر جارح سفارت کاری کرنے کا سلسلہ جاری ہے۔ پاکستان 50 برس بعد مقبوضہ کشمیر کا معاملہ سلامتی کونسل لے جانے میں کامیاب ہوا۔ جبکہ بھارت کے سب سے بڑے اتحادی روس نے پہلی مرتبہ مقبوضہ کشمیر کے تنازعے پر پاکستان کی حمایت کی۔تاہم سلامتی کونسل کے اجلاس میں صرف ایک ملک فرانس نے بھارت کی حمایت کی تھی۔لیکن اب پاکستان نے بھی فرانس کو سفارت کاری کے ذریعے بھارت کیخلاف موقف اپنانے کیلئے قائل کرنے کی کوشش شروع کر دی ہیں۔ اس سلسلے میں وزیر خارجہ شاہ محمود قریشی نے فرانس کے وزیر خارجہ سے منگل کے روز رابطہ کیا ہے۔ رابطے کے دوران وزیر خارجہ نے فرانسیسی ہم منصب کو بتایا کہ پانچ اگست سے مقبوضہ کشمیر میں مکمل کرفیو نافذ ہے۔ بھارتی اقدامات اقوام متحدہ کی قراردادوں کی صریحاً خلاف ورزی ہے۔مقبوضہ کشمیرمیں انسانی حقوق کی خلاف ورزیاں عروج پر ہیں۔ ہمیں مقبوضہ کشمیر میں نیا انسانی المیہ جنم لیتا دکھائی دیتا ہے۔ مقبوضہ کشمیر کے حالات سےخطے کےامن کو خطرات ہوسکتے ہیں۔ رابطے کے دوران فرانسیسی وزیرخارجہ نے مقبوضہ کشمیر کی صورتحال پراظہار تشویش کیا۔ فرانسیسی وزیر خارجہ نے معاملات مذاکرات کے ذریعے حل کرنے کی ضرورت پر زور دیا۔ فرانسیسی وزیر خارجہ نے کہا کہ افغان امن عمل میں پاکستان کا کردار قابل تحسین ہے۔ جبکہ وزیر خارجہ شاہ محمود قریشی کو یقین دلایا کہ نریندر مودی کے دورہ فرانس کے دوران فرانسیسی قیادت ان سے مقبوضہ کشمیر کے تنازعے سے متعلق بات چیت کرے گی۔