نوجوانوں کا جذبہ قابل تعریف ٹائیگر فورس کو صوبائی اور ضلعی سطح پر متحرک کرینگے :عمران خان

اسلام آباد (آئی این پی ) وزیراعظم عمران خان نے کہا ہے کہ ٹائیگر فورس کو صوبائی سطح پر فوری متحرک کیا جائے ، نوجوانوں کا جذبہ قابل تعریف ہے، یقین تھا نوجوان مشکل وقت میں قومی جذبے کا بھرپور مظاہرہ کریں گے, نوجوانوں کو صوبائی اور ضلعی سطح پر جلد متحرک کیا جائے۔ پیر کو وزیراعظم عمران خان سے معاون خصوصی عثمان ڈار نے ملاقات کی جس میں کرونا ریلیف ٹائیگر فورس کے آپریشنل معاملات پر مشاورت کی گئی اور وزیراعظم عمران خان کو ٹائیگر فورس کی تازہ ترین رپورٹ پیش کر دی گئی،ملاقات کے دوران ٹائیگر فورس کی لائیو اپ ڈیٹ کو پبلک کرنے کا فیصلہ کیا گیا اور وزیراعظم کی ہدایت پر ٹائیگر فورس کا پورٹل کووڈ 19 کی سرکاری ویب سائیٹ سے لنک کر دیا گیا،ٹائیگر فورس کی لائیو اپ ڈیٹ http://crt.covid.gov.pk پر دیکھی جا سکتی ہیں۔ رپورٹ کے مطابق سندھ سے 1 لاکھ 11 ہزار پختون خواہ سے 1 لاکھ 2 ہزار نوجوان رجسٹرڈ, اسلام آباد سے 10 ہزار بلوچستان سے 9 ہزار آزاد کشمیر سے 8 ہزار نوجوان فورس کا حصہ بن گئے۔ اس موقع پر وزیراعظم نے رپورٹ پر اظہار اطمینان کرتے ہوئے فورس کو صوبائی سطح پر فوری متحرک کرنے کی ہدایت کی اور کہا کہ نوجوانوں کا جذبہ قابل تعریف ہے ،یقین تھا نوجوان مشکل وقت میں قومی جذبے کا بھرپور مظاہرہ کریں گے, نوجوانوں کو صوبائی اور ضلعی سطح پر جلد متحرک کیا جائے،وزیراعظم نے ٹائیگر فورس کے اعدو و شمار سے مسلسل آگاہ رکھنے کی بھی ہدایت۔ ملاقات میں عثمان ڈار نے کہا ٹائیگر فورس میں رجسٹرڈ نوجوانوں کی تعداد 7 لاکھ 39 ہزار سے تجاوز کر گئی, رحسٹرڈ نوجوانوں میں سب سے زیادہ تعداد طلباءاور سوشل ورکرز کی ہے, انجینئرز, اساتذہ,وکلاءاور کارپوریٹ سیکٹر سے وابسطہ افراد بھی فورس میں شامل ہیں ،وکلاء صحافی اور ریٹائرڈ آرمڈ فورسز سے وابسطہ افراد نے بھی رجسٹریشن میں حصہ لیا,عثمان ڈار نے کہا ڈاکڑز, سیاسی ورکرز اور این جی اوز کے نوجوان بھی بڑی تعداد میں شامل ہوئے ،پنجاب سے رجسٹرڈ نوجوانوں کی تعداد 4 لاکھ 94 ہزار سے زائد ہے۔