تازہ تر ین

یا سمین راشد کا لاہوریوں کو جا ہل کہنا مہنگا پڑا،،سو شل میڈیا پر نیا محاذ کھل گیا

لاہور(ویب ڈیسک)حزب اختلاف کی جماعت مسلم لیگ (ن) نے لاہور کے شہریوں سے متعلق وزیرصحت پنجاب ڈاکٹر یاسمین راشد کے بیان پر سخت ردعمل کا اظہار کرتے ہوئے معافی کا مطالبہ کیا ہے۔خیال رہے کہ وزیر صحت پنجاب نے گزشتہ روزنجی ٹی وی کے پروگرام ’میں شہریوں کو احتیاط نہ کرنے پر تنقید کا نشانہ بنایا تھا۔جس پر سو شل میڈیا پر نئی بحث چل پڑی تھی ،مسلم لیگ (ن) نے لاہور کے شہریوں سے متعلق وزیرصحت پنجاب ڈاکٹر یاسمین راشد کے بیان پر سخت ردعمل کا اظہار کرتے ہوئے معافی کا مطالبہ کیا ہے۔ ن لیگ کی رہنما عظمیٰ بخاری کا کہنا تھا کہ یاسمین راشد یاد رکھیں آپ لاہور میں رہتی ہیں، آپ کا لاہور میں نکلنا مشکل ہوجائے گا۔یاسمین راشد کے بیان پر لیگی رہنما خواجہ عمران نذیر کا کہنا تھا کہ انتہائی دکھ اور افسوس کی بات ہے کہ اپنی نالائقی، نکمے پن اور نااہلی کو پاکستان والوں کو جاہل کہہ کر، لاہوریوں کو جاہل کہہ کر خود اس کے پیچھے چھپنے کی کوشش کریں۔دوسری جانب یاسمین راشد کے بیان پر سوشل میڈیا پر بھی کافی تنقید کی جاری ہے اور متعدد صارفین نے غم و غصے کا اظہار کیا ہے۔اآج قومی اسمبلی سے خطاب میں پیپلز پارٹی کے چیئرمین بلاول بھٹو نے بھی اس معاملے پر غم و غصے کا اظہار کیا اور کہا کہ آپ کی ہمت کیسے ہوئی اپنی غفلت اور نااہلی کا ذمہ دار عوام کو ٹہرائیں،آپ کے فیصلوں کی وجہ سےکورونا وائرس زبردستی پھیلا۔بلاول نے مزید کہا کہ آپ کہتے ہیں کہ پاکستان کےعوام جاہل ہیں، پاکستان کے عوام آپ کودکھائیں گے، الیکشن میں بتائیں گے۔خیال رہے کہ سب سے زیادہ اآبادی والے صوبہ پنجاب کے دارالحکومت لاہور میں کورونا وائرس سے اب تک 400 افراد جاں بحق ہوچکے ہیں جب کہ متاثرہ مریضوں کی تعداد 28177 ہے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved