شوگر سکینڈل ،عمران خان کا دباﺅ قبول کرنے سے انکار وزیراعظم سے جہانگیر ترین گروپ کی ملاقات کی اندرونی کہانی قارئین کی نذر ،رپورٹ:امتنان شاہد

تحریک انصاف میں موجود جہانگیر ترین گروپ کے ارکان اسمبلی کی وزیراعظم عمران خان سے ملاقات کی اندرونی کہانی سامنے آگئی جہانگیر ترین کے گروپ ارکان نے گزشتہ روز وزیراعظم عمران خان سے ملاقات کی اور پہلا مطالبہ جوڈیشل کمیشن بنانے کا کیا اور دوسرا مطالبہ مشیر برائے احتساب شہزاد اکبر کو ہٹانے کا کیا،جہانگیر ترین گروپ نے وزیراعظم سے انتہائی خوشگوار ماحول میں بات چیت شروع کی جبکہ وزیر اعظم نے باری باری سب کو بات کرنے کا موقع دیا۔اراکین کے سوالات اور مطالبات کے جواب میں وزیراعظم عمران خان نے کہا کہ آپ سب تحریک انصاف کے رکن اور ارکان اسمبلی ہیں آپ کو نظریہ اور تحریک انصاف کے نعرے کا ساتھ دینا چاہئے اور مجھے امید ہے آپ ایسا ہی کریں گے۔جوڈیشل کمیشن شہزاد اکبر اور وزیراعظم کے سیکرٹری اعظم خان کے حوالے سے شکایات پر جواب دیتے ہوئے وزیراعظم نے کہا کہ آپ تھوڑا انتظار کریں اور کجھ پر اعتماد رکھیں ہماری عدالتیں انصاف دے رہی ہیں اور مجھے امید ہے کہ سب کو انصاف ملے گا اور تحقیقات شفاف ہوں گی البتہ تحقیقات رکیں گی نہیں۔آپ سب لوگ تحریک انصاف میں بعد میں شامل ہوئے صرف وزیراعظم رہنے کیلئے حق اور سچ کا ساتھ نہیں چھوڑ سکتا عمران خان کا کہنا تھا کہ جہانگیر ترین سمیت کوئی بھی شوگر سیکنڈل میں ملوث ہوا تو قانون کا سامنا کرنا پڑے گا