ضیاءشاہد کو خراج تحسین پیش کرنے کیلئے پنجاب اسمبلی میں قرار داد جمع قرار داد پی ٹی آئی کی ایم پی اے مومنہ وحید نے جمع کرائی، ایوان ضیا ءشاہد کو صحافتی خدمات پر خراج تحسین پیش کرتا ہے: قرار داد کا متن

لاہور (خبریں، چینل۵ ویب ڈیسک) بانی و قائد خبریں گروپ ضیاءشاہد کی صحافتی خدمات کو خراج تحسین پیش کرنے کے لی پنجاب اسمبلی میں قرارداد جمع کرادی گئی ہے۔ پاکستان تحریک انصاف کی ایم پی اے مونہ وحید کی جانب سے جمع کرائی گئی قرار داد میں کہا گیا ہے کہ پاکستان کی صحافت میں اہم کردار ادا کرنے والے ضیاءشاہد طویل علالت کے بعد انتقال کر گئے۔ انہوں نے 17 برس کی عمر میں صحافت کا آغاز کیا اور 60سال تک صحافت کا علم بلند کئے رکھا۔ انہوں نے مسلسل محنت کی اور صحافت میں اپنا مقام بنایا۔ صوبائی اسمبلی کے پنجاب کے ایوان کی رائے ہے کہ ضیاءشاہد نے پاکستان میں صحافت کو نیا رنگ دیا۔ ان کی وفات سے پاکستان کی صحافت میں ایک خلاءپیدا ہوا۔ ان کی صحافتی خدمات کو ہمیشہ یاد رکھا جائیگا۔ صوبائی اسمبلی پنجاب کا ایوان ضیاءشاہد کی صحافتی خدمات پر انہوں خراج عقیدت پیش کرتا ہے۔ یہ ایوان ان کےلیے بلند درجات اور لواحقین کے صبر کے لیے دعا گو ہے۔